並非天生嘅素食者，但就係鐘意素食。 以前嘅我食親所謂嘅好野（fine dinner呀，大大碟海鮮呀…）配合埋餐廳嘅靚裝修，加埋靚景同我影嘅靚相，放上facebook，往往令朋友胃口大增問我響邊都想去食。唉… 非直接地，引領咗好多人去殺生。自知罪孽深重。希望仲有機會帶番領多D人想去食素食啦！ 素食往往比人感覺無味，無得揀，食唔飽… 嘅感覺，但，其實只要搵啱地方，一樣可以搵到好味又食到你好飽嘅素食呀！排名不分先後，今次想介紹嘅素食，係佢... 唔記得影招牌，紙巾頂住先啦 XD 常悅素食 ~ 位於旺角近油麻地方向，今次好彩有朋友帶路，先至黎到！ 一打開餐牌，咩都唔洗講，餐廳每日一款素老火湯，有一位同一窩份量 ^~^ 對於超級鐘意飲湯嘅我，咩都唔洗講，落order先！ 淨係呢張咭仔已經好吸引我 XD 我今日飲合掌瓜紅蘿蔔煲素肉，好飲，好清甜！ 之後，再慢慢揀埋其他野食... 當然要食D特別野啦！ 日式魚生 HKD50- 正！ 四川麻婆豆腐 HKD60- 少少辣，夠香口！ 金枝綠葉 HKD65- 名已經夠特別，係炸茄子，超好味！ 馬來西亞薄餅 HKD72- 最尾呢個直頭係驚喜之作，薄餅即使唔配合素肉，就咁點咖喱醬已經好好味！！！ 呢度嘅食物有樣有味，唔錯唔錯！價錢合理得黎又好味！唯一唔好，真係我係香港人，對九龍區實在唔多熟路，下次叫我自己再黎番已經唔識黎了... XD 常悅素食 地址：旺角登打士街32-34A號歐美廣場二樓 電話： 2787 3128
