並非天生嘅素食者，但就係鐘意素食。 以前嘅我食親所謂嘅好野（fine dinner呀，大大碟海鮮呀…）配合埋餐廳嘅靚裝修，加埋靚景同我影嘅靚相，放上facebook，往往令朋友胃口大增問我響邊都想去食。唉… 非直接地，引領咗好多人去殺生。自知罪孽深重。希望仲有機會帶番領多D人想去食素食啦！ 素食往往比人感覺無味，無得揀，食唔飽… 嘅感覺，但，其實只要搵啱地方，一樣可以搵到好味又食到你好飽嘅素食呀！排名不分先後，今次想介紹嘅素食，係佢... OVO Cafe 一個近來十分熱門嘅素食新點 ～ OVO 店舖位於灣仔舊街市，對於響灣仔長大嘅我，特別有回億！灣仔舊街市原有三層，分別乾濕貨都有賣，要買菜買魚都好，呢度都會幫到你。但，今日轉身一變，已經變成一橦高層嘅高級服務式住宅，地下兩層嘅街市，亦已變身為家品店。而OVO Cafe，就係處身之中。 店舖細細，裝修都係簡單大方為主。 坐響樹下進餐，又係另一風味。 第一次黎，係同朋友閒日收工黎嘅，好彩我響灣仔收工，放工就即刻黎，因為當我地坐底食咗一陣野之後，就已經排長龍了。OVO Cafe地方細細，大約只可以坐到30人左右，所以，如果想有位坐，真係要早少少到。 店舖屬於半自助形式，要自己去櫃檯點餐。 點餐後就會有一個牌仔比番你，食物由工作人員送上。 不過呢，餐具都係要自己拎。店舖晚上沒有晚餐套餐提供，只好散點食物了。第一次黎，試咩好呢？ 蕃茄汁茄子堡壘寬條麵 HKD78- （個名只係估，因為Memu已經花哂） OVO 特選雜菜沙津 HKD58- Mocha 拉花之一 Mocha 拉花之二 食完呢一餐，因為只有兩個人食，試唔到太多款式，不過... 真係好好味！去咁多間餐廳，第一間係會叫mocha都拉花比我，有誠意！意粉同沙津除咗好味，更係食得出嘅新鮮！ 所以，好快又去第二次了，今次係帶媽咪黎！ 搞笑嘅係，媽咪早收工，我刻意早收一小時，打算同媽咪早D黎食個early dinner啦，點知，原來佢地無dinner set，不過有lunch set同tea set提供架！所以，晚餐要晚上六時先有得供應。但.... 媽咪肚餓，又點可以餓親佢呢？就試下佢地D cake，邊嘆咖啡邊等dinner啦！ 各式蛋糕 HKD35- 哈.... 今次拉花更有意思！ 有意思！有意思！ 媽咪見到咁得意，開心到佢都忍唔住要影相！ 食下蛋糕，飲下美味嘅mocha，好快就夠鐘可以點餐了。今次比媽媽拍板揀食咩！ 孟加拉風味甜薯 HKD 48- 媽咪都揀番呢個茄子寬條麵... 哈... 媽咪食完都話呢度D食物好好味，由其個甜著，有紫心同黃心，都係咁好味，仲好欣賞杯咖啡添！ blog: lifetoletgo.blogspot.hk
