成身汗，個人又乾又累，行完卧佛寺，我地就揾個地方坐底食野休息下啦！響碼頭附近有D餐廳仔，我地坐底叫咗D粉麵，再響店外買D椰青飲！爽呀... >.< 椰青永遠係降溫嘅涼拌！ 醫好個肚，飲飽食醉之後，我地就響卧佛寺碼頭等free suttle ship過對面鄭皇廟喇！鄭皇廟又稱日落廟宇，因為黃昏時份呢度特別美麗，可惜，今晚仲有行程，加上帶住媽咪，咁曬，都唔可以逗留太耐。 鄭皇廟係一個好舊係建築，一睇就知啦！ 不過我真係覺得好有特色噃！ 廟宇慣例唔比著背心短褲，所以要包番隻腳！ 好似無咩特別？其實上黎嘅樓梯已經好特別喇！ 心血少或腳力唔夠嘅人，真係唔建議你行上黎！ 因為景雖然靚... 而且，上到黎，又可以響呢條黃布簽名留念... 不過... 不過咩？？？其實，鄭皇廟係一座都幾高嘅廟宇，最頂部份係唔比遊人上的。不過，即使只係上中段，樓梯又細好窄，而且每級之間高度亦相距唔細，所以所有人行上去時，都係緊握扶手，步步小心架！ 以家知道幾高啦！ 上落都要當心！ 不過呢度嘅建築又真係好靚！ 搵到我嗎？ ~ 佛陀 ~ 附塔 部份建築細圖 除咗主塔，仲有幾座副塔！ 佛教，始終係泰國主要宗教！ 唔知點解行行下鄭皇廟天陰起黎想落雨，我地當然快快步遊覽完之後就走人啦！不過，當我地上船回程時 =.= 又天晴番噃... 回程了... 坐船真係曼谷一個好好嘅觀光方式！ 藍天白雲 船邊仍然有部分舊式小屋存在。 咁早走，今日當然唔可以咁早完啦！食過晚飯之後，我地就返酒店休息一下，沖個涼，換件戰衣又出發！ 夜媽媽去邊？今次就真係去以家最新嘅最高Sky Bar地標準喇 ～ State Tower 嘅 Sirocco Bar 上到黎，夜景的確好迷人。 唔同角度有唔同夜景！ 呢個原頂係呢度嘅代表。 咁靚，我當然都要影番張相啦！ 呢張係偷影，所以朦咗少少，不過呢度真係好多人。 呢度放大咗，不過好似香港維港咁呀 > ~ < 睇完呢個景，今晚就安樂訓喇... lifetoletgo.blogspot.hk
