並非天生嘅素食者，但就係鐘意素食。 以前嘅我食親所謂嘅好野（fine dinner呀，大大碟海鮮呀…）配合埋餐廳嘅靚裝修，加埋靚景同我影嘅靚相，放上facebook，往往令朋友胃口大增問我響邊都想去食。唉… 非直接地，引領咗好多人去殺生。自知罪孽深重。希望仲有機會帶番領多D人想去食素食啦！ 素食往往比人感覺無味，無得揀，食唔飽… 嘅感覺，但，其實只要搵啱地方，一樣可以搵到好味又食到你好飽嘅素食呀！排名不分先後，今次想介紹嘅素食，係佢… Bar枱放咗好多水果做裝飾，感覺好有活力。 今日下午要去睇醫生，睇完之後已經係下午茶時段喇 =_='' 真係餓死人... 好彩，比我搵到間正野，係響一間瑜伽中心入面嘅素食餐廳 ~ Dickson Yoga Vegetarian Bar。 而面向出面嘅水果bar亦都好靚。 唔知係咪因為閒日下午茶時間，呢度咩人都無，不過，咁就啱哂我，可以自己一個靜靜地食下野。 單是午餐已經有幾款選擇。 有多款下午茶，不過我肚餓，依一刻唔啱我。 亦有多款特飲 ^0^ 仲有咖啡奶茶添呀！ 最主要，當然係呢度有多款果汁啦！ 呢度環境好舒適，員工亦都好nice。 Sofa位除咗坐得舒服，每張枱都有部小電視。 我今日包場食lunch XD 沙津夠新鮮，健康嘅十殼飯+好好味嘅南瓜素肉，仲有湯飲。 話明呢度原本係瑜伽中心，當然有餐廳以外嘅野啦！ 私人瑜伽房間 另一家私人瑜伽房間 ~ 呢度有足夠位置比好多人一齊掛排舞！ 好得意，呢度仲有按摩部同美客部。 雖然只係咁啱得咁橋黎到呢度，不過個人黎講覺得呢度不論環境，氣氛，員工同食物質數都有90分以上！ 地 址：尖沙咀麽地道66號尖沙咀中心地庫 LG02A 電話：2138 2999 www.facebook.com/lifetoletgo blog: http://www.lifetoletgo.blogspot.hk
