並非天生嘅素食者，但就係鐘意素食。 以前嘅我食親所謂嘅好野（fine dinner呀，大大碟海鮮呀…）配合埋餐廳嘅靚裝修，加埋靚景同我影嘅靚相，放上facebook，往往令朋友胃口大增問我響邊都想去食。唉… 非直接地，引領咗好多人去殺生。自知罪孽深重。希望仲有機會帶番領多D人想去食素食啦！ 素食往往比人感覺無味，無得揀，食唔飽… 嘅感覺，但，其實只要搵啱地方，一樣可以搵到好味又食到你好飽嘅素食呀！排名不分先後，今次想介紹嘅素食，係佢… 門口招牌簡潔而清晰 ~ Herbivores 原本，今日唔係plan黎呢度食嘅… 不過，尋日突然間有朋友話我知，誠品書店間café無咗，以家開咗間素食，佢一send張相比我，我已經好開心！因為，呢間Herbivores原本係身處響中環嘅，但因為我唔識路，所以一直好評嘅情況下，我都係未去過 *0* 以家，竟然響銅鑼灣開分店呀！！！呢個消息真係開心死人，所以我就即刻打電話去訂位，服務只態度非常之好！ 黎到呢度，當然就第一時間同個招牌影番張相先啦，之後就再影下個環境。呢度燈光都好柔和下，氣氛浪漫得黎夠底調。 一入大門就係一張可以坐三十人嘅大枱。 枱邊梳化位置頭上更加有好大個手寫餐牌，夠特別。 Bar枱位置。 佢地嘅晚餐無套餐叫，所以我同朋友都係散叫，叫咗D咩？自己睇啦 ^0^ 香檳特飲 HKD48- Pumpkin Carbonara HKD158- Truffle Troffle Risotto HKD188- 佢地個碟好特別！ 有佢地個名架！ 個人黎講覺得杯香檳特飲好好飲，甜酸度好適中，解渴之餘好開胃。而個什菌黑松露意大利飯亦相當好味！朋友叫咗個南瓜卡邦尼，我食少少佢嗰D，佢亦試咗少少我嗰D，大家都堅持自己叫嗰道菜好味D！哈… 食飯途中，發現佢地餐廳原來係有分2個部份，一個部份係食野，另外亦有一個部份比讀者飲下野。 飲野位置有高高嘅bar枱同櫈。 有不同嘅健康果汁同咖啡或茶。 有新地方去，仲有好野食，好快就響度過咗D時間。走嘅時候，好彩不忘望一下門口嘅MEMU，原來，佢地lunch time同tea time都有套餐，星期六、日，更加有brunch set添！下次一定要搵機會再黎試下先得！ 呢度嘅其他套餐。 雖然係新開店舖，不過佢地好多客，要黎呢度，記得要先訂位呀！ 地址：銅鑼灣軒尼詩道500號希慎廣場9樓 電話：2613 2920 www.facebook.com/lifetoletgo blog: http://www.lifetoletgo.blogspot.hk
