最後一日喇！最後，大大話話都黎 咗印度成兩個月喇！時間... 真係過得好快！今日係最後一日，雖然病緊，我都決定一早起身，用最後努力去埋要去嘅地方。中間有件趣事發生，就係行行下，見到有醫生幫人睇緊病，咁早，藥 房又未開，我就唸住順便睇埋一份啦，當我想比診金藥費時，先發現原來佢地係慈善團體，幫助人義診架！太感動喇 *0* 義診服務，為市民提供免費嘅醫療服務。 Akshardham Temple，又係一個唔比人影相嘅地方，係一個新建成於新德里嘅印度教廟宇。守衛深嚴，不過絕對值得去！寺內非常宏偉之餘，非常之清靜，非常之乾淨。廟 宇嘅神祇都有故事解釋來龍去脈，而且牆壁雕刻都靚到好似博物館一樣，令人入去到，講真真係唔係好想出番黎。所以，我會建議大家親呢個地方未正式形為旅遊點 之前，快D去！ 寺內無得影相，唯有同張poster影張相留念啦！ 去完呢個咁新嘅廟宇之後，再去就 係去無任何宗教依歸嘅Lotus Temple喇！呢個廟宇歡迎任何宗教嘅人，即使你無神論主，佢地都同樣歡迎，理念係全球歸一。場內有好多外國人義工形式去協助廟宇營運。廟宇中間有個好 大嘅祈禱堂，入面係唔比影相，我偷偷地影咗，同埋入面唔比講野，保持安靜，向自己心中嘅神祈禱便可。 蓮花廟宇 祈禱堂內嘅屋頂 祈禱堂內除咗好靜，仲好靚 ^~^ 我地離開時已經好多人前來.。 外表好似一朵蓮花嘅蓮花廟宇。 行咗一大輪，講真，我已經好累喇！午飯唔講，今日晚餐，我一定要食好D之後先上機！哈... >.< 餵食呢個本性，係就算發緊燒都唔會改到架！ 印度炒飯 Sweet Lassi ~ 必飲！ 咖哩蝦 ~ 正！ Tandoori Chicken ~ 唔洗講野，係我必食！ Nann ~ 更加唔洗介意係咩黎啦！ 上機喇... 今次印度之旅，感謝神保佑，總算安全渡過，雖然中間難免會遇上壞人或者令人氣憤嘅事，不過，總算都度過了。 一年前黎我仲坐緊響大象媽媽嘅鼻上影相，一年後，都被繩索包圍了。 印度機場其一大特色。 的確地，印度充滿住好多壞嘅一 面，但亦充滿住好多愛嘅一面，至少，響我呢次旅程中，就受過好多印度人嘅幫助呀！去完呢次印度之旅，各國就不斷爆發住印度巴士輪姦案嘅新聞，大家都慶幸我 已經安全返到香港。不過個人認為，其實呢種案件到處都有發生，只係響某D地方，根本連受害人企出來申訴嘅機會都無，我地先唔知真相！呢個世界，所有東西都 有好壞一面，問題只係你點睇同點去處理。而我，希望有生之年，有機會再黎印度！ 買咗，真係好多野！ fb: www.facebook/lifetoletgo blog: http://www.lifetoletgo.blogspot.hk
