帶住唔捨得嘅心情，我離開Varanasi之後，就向我今次印度之旅最後一站出發lu，邊度？當然係方便我自己返香港嘅罪惡之城 ~ New Delhi啦！火車於晚飯時間開出，好好訓一覺，到達新德里時，剛好是早上。 每次坐火車，訓醒第一件事就係買杯印度奶茶嘆！ 搵到飯店，安頓好行李之後，我就向外出發了。原來，正正呢日係佢地嘅錫克教節(Sikhism Festival)，街道上有好多錫克教徒遊行，令我憶起好多Amritsar金廟嘅回憶。睇咗一陣遊行，當然又係指定動作，醫肚先啦！ 遊行車隊之一 有人比劍，有人打鼓，十分熱鬧。 第一站，先坐巴士去紅堡Red Fort，講真話，呢度比我感覺無想像中咁好，感覺就好似係… 只係一個好大嘅公園。所以唔係行咗好耐，我就出發去第二站了。 紅堡大門 好多人排隊等入去 其中一個議事亭 有印度人黎野餐，好似去咗歐洲咁 XD 我都同度大門影番張相先！ 另一議事亭 呢個屋頂有俄羅斯感覺。 印度文你識睇無？ 我就唔識喇。 準備離開紅堡了。 命名<紅堡>之原因 印度國旗高掛！ 清真寺Jama Masjid同紅堡距離唔近，所以我就坐tuk tuk去。不過… 呢一趟令我對清真寺感覺奇差，下次一定唔會再去！我同友人一齊入清真寺，臨入場前大家都已經比哂入場費(入場費已包括相機拍照費同拖難看管費)，慢慢行，一邊觀光一邊拍照，感覺都不錯。 清真寺門外 呢個小朋友太... 所以一定要影底佢！ 清真寺 咁點解我話唔會再去？因為當我入到禮拜堂時，見難得清靜，就響堂內嘅地下坐底，想休息一下，呢個時候，友人就同一個清真寺工作人員一同向住我行黎。友人話，呢個人擺哂pose叫友人同佢影相(部份印度人比較窮，其實佢地都唔介意同好想旅客幫佢地影相，過下隱。)之後就向佢收取100盧比，友人當然無比，但呢位工作人員就一路鬧友人，仲話佢帶住兩部相機要收兩張入場卷。呢位工作人員嘅不敬同無禮貌，已經搞到好無心機留底。咁我就叫友人一齊走啦，點知 =.= 呢個CHI CHI地線嘅工作人員，竟然繼續鬧人，係咁叫我地走，話無錢就唔好入黎之類… 其實我地已經離開咗禮拜嘅地方，但未行出清真寺，佢都無停過口，一路指手畫腳係咁鬧，我真係忍唔住了。繼響Jaipur鬧完，今次我都唔係想同佢嗌交，但我真係無可能咩都唔做比佢係咁鬧，我拎轉面bear住佢，當然，佢繼續鬧，之後仲叫我地要走出清真寺個門口，我停下腳步無再行，狠狠咁望住佢，睇下如果我唔走，佢又耐我咩何，我唸大約過咗五分鐘左右，佢終於收聲，返入去禮拜堂。 禮拜堂內 就係呢個禮拜堂遇上壞人！ 寺外有三道門，這是其中一道。 信徒好多禮拜完後就會響外邊坐坐。 其實，唔理咩宗教都好，寺廟入面都應該係比人樂得清靜嘅地方，我真係唔明點解D人可以咁，仲要響代表住寺廟嘅工作人員咁，真係失禮….唔理佢啦，無謂比D無謂人影響我嘅心情，去完清真寺，其實已經好肚餓，所以先去搵野食，順便可以坐底休息下。 好大個呀... *0* 好味！ 新德里市內嘅一座錫克教廟宇。 隻牛好可憐... =.=' 今次自己再黎新德里呢個地方，感覺同上次跟朋友一齊黎，真係差得遠。上一次黎，呢度就比佢地製造到好似一個罪惡城咁，但今次自己再黎，其實都係城市一個，今日早上已經響度坐過tuk tuk，巴士同的士，以家，就去試下坐印度得新德里先有嘅地下鐵啦！ Metro即係香港嘅MTR！ 路線圖都好清淅易明。 車內環境，跟火車一樣有女士專用車廂。 呢個就係車飛，好似日本一樣。 另一邊係新德里其中一個古積。 Metro原線車站總圖 印度門，印度其實真係有好多印度門，唔知點解佢地全部名都係叫印度門。不過唔理啦，最出名，當然係孟買同新德里呢兩個大城市嘅印度門啦 ^~^ 孟買嘅已經去過，以家當然到新德里。其實個人黎講本人覺得孟買印度門係靚D，而且對住個海。不過，新德里印度門都好有意義架，點解？原來牆上刻住嘅，都係當年士兵戰死嘅名字，紀念意義重大。 新德里嘅印度門 牆上都刻有士兵名字。 呢晚月亮好圓，我都忍唔住要拍照留念。 新德里晚上街道 由於病緊，其實身心上都好累，行埋新德里嘅印度門之後，我就返飯店休息了。新德里同孟買有個相同之處，就係都係一個不夜城，不過呢D夜生活，唔啱我！ fb: www.facebook/lifetoletgo blog: http://www.lifetoletgo.blogspot.hk
