黎到Varanasi嘅第三日朝早，我天未光就走咗出飯店了。由於治安問題，原來飯店會將大門鎖上，我要將接待員從拉架床叫醒，佢一臉茫然，問我咁早出去做咩，話會危險。當然，我無理佢，叫佢起身開鎖比我啦！ 面對恆河，好像所有事物都變得特別寧靜。 由於我嘅飯店就響恆河旁邊，步行唔需要一分鐘，就到達恆河了。眼前一亮！天未光，我出門口時才四時半，天還黑呀！已經有信徒在恆河沐浴… 點水燈祈福… 嗯，危險恐懼不出現在誠心的信徒上！ 這 天，我選擇往下遊步行，感受一下這裡的寧靜時份。走過火葬場，柒黑一片。屍體被火化著，沒有因為人類入睡而休息。但，路道上沒有因為這火勢而變得光芒，我 無帶電筒，望住火化中嘅屍體，心寒一寒。我雖不怕會有任何鬼異事情發生，但卻擔心在世的人作惡。此刻的我在想，到處都這麼黑，如果被在生的捉走去了…. 很不值吧！想了兩刻，我就提腳再走了… 一直走，直到找到一個我合眼緣的小廟宇，我便進內打坐，才發現，入面已有一位聖人在打坐。他以笑容表示歡迎我到來和他分享此地，我們就這樣，一直打坐了大約半小時。可是，我不是聖人，當我感受到太陽準備升起時，我便起來到外拍照了。 呢個Ghat被刻劃住聖人嘅圖案。 恆河下遊每天早上同樣有好多信眾放水燈祈福。 信眾會繞住聖物祈福，祈求願望實現。 另一個水壩，同樣刻劃著Shiva同Pravati嘅圖片。 Shiva，不過未裝修好。 又一直行到最尾，終於都行到了Varanasi的恆河下遊，在這裡，看到一道火車軌道，我買了一杯印度奶茶和幾件曲奇，坐下，靜靜地休息著。 一條又長又舊嘅火車軌，好印度呀.... 餓了… 無錯，肚餓往往打斷了我的當下。從下遊慢慢往飯店走回去，找東西吃，回程時，可能因為太陽已出來了，大家都已經醒來了，看到的景象，也就不一樣。 Shiva真係無處不在。 部份Ghat入面仍然有人住，我就被呢家人邀請入內一坐。 牛屎對印度信徒除咗神聖，更加有助燃燒，所以都被儲起。 齊齊整整嘅牛屎。 Shiva坐駕Nandi嘅模樣。 不用衣夾的涼衣方法，到處都用！ 大件的布就這樣曬乾。 涼衣場 ^~^ 這裡洗衣大多都是男人，狠狠地把衣服一打再打，直至洗乾淨。 這裡的人其實都好友善，言語已不是界限。 有部份的Ghat是比較殘舊的。 但這裡的人都合力維修。 雨季過後仍有這麼多石級露出，可以想像得到旱季要走多少級才到河內。 這是什麼？ 我不知道！ 就像圍牆的ghat，已有過二千萬年嘅歷史。 走著走著，我才發現，原來Varanasi都有真正的酒店呀！如果有機會帶媽咪黎，應該住呢間酒店，佢就唔怕會危險了。而且，呢間酒店靚到好似模仿古蹟而建成。 呢間就係Varanasi唯一嘅古積酒店喇！ Reception已經好靚... 設於房間中央嘅大堂。 新嘅酒店，舊嘅古堡，形成對比。 可以坐響對方呢個位置，望住恆河嘆住印度奶茶，實是回味。 無份入住，都留底影番張相啦 ~ 酒店休息大堂，仲有wifi提供添！ 這天下午，我就待在恆河岸邊，沒有去過那裡。不知怎樣，在這裡，時間總是被停住了。 神聖的牛 ~ 聖人 ~ 在恆河面前結婚 ~ 台階係就咁由石頭加木板砌出黎，我就係咁就過咗一個下午。 這天的晚上，我找了個特別的位置去看puja，就是在神檀前。有人會為咗咁，比錢上船坐住睇。不過，我好幸運地，找到一個位置，不過上船也可以響一個好好嘅位置睇。就響呢個地方，我意識到一個中年男士，交談之中，得知原來佢已經係第四次黎Varanasi了，佢話每次黎印度，都一定要黎呢個地方。返到香港我開番facebook先發現，原來我地係同月同日生架！不過之後有無機會再見，就睇緣份了。 水燈，幸福幸運嘅象徵。 同另一位祈福者拍照。 上船睇puja嘅人好多，場面實在震撼。 儀式開始 ~ 正中央看著祈福者進行儀式。 第三日嘅水燈，係新相識嘅朋友送比我，一定要放啦！ 今日puja完咗之後，我見精神尚可，又去咗一趟音樂節，直到自己真係好累好累，先肯返飯店 XD 睇條裙就知佢地跳得幾落力！ 呢兩位表演者準備上台了。 有舞蹈表演，同樣有音樂表演。 黎 咗Varanasi三日，呢度係我響印度(除咗響廟宇入面)感覺最自在嘅地方。好似每一件事，都好理所當然咁發生。呢晚新相識嘅朋友，介紹咗其中一位祈福 者比我認識，雖然素不相識，但好西利，佢好清晰咁講到比我知，當日佢響咩時段響邊度見過我。原來，當日我地已經見過三次了。祈福者話，解開儀式進行穿著嘅 聖衣之後，好多人都未必認得佢地。但，佢就記得每一日見過嘅每一副新同舊嘅面孔。人來人去，Varanasi卻一直守候每位來到的過客同響度定居嘅善信。 fb: www.facebook/lifetoletgo blog: http://www.lifetoletgo.blogspot.hk
