第二日，一早就起床，比咗100盧比，跟船家遊船河，我嘅飯店響中遊附近，船家先同我去上遊，慢慢觀賞日出，其後再到下遊觀賞。 飯店對開，恆河全景 原本嘅我，響Rishikesh浸過恆河一次之後，本應今次響Varanasi都想再一次浸浴於恆河之中為自己洗禮，但係，天氣實在非常寒涷，響陸上我已經涷到震，所以，真係無呢個勇氣下水了。 一大清早，就有好多遊人同我一樣租架船仔遊走恆河。 水燈，係預意幸運，當然要入鄉隨俗啦！ 一早各個Ghat上都集合了人群，要走進恆河洗禮。 天氣好涷，不過大家都好似唔怕涷... 除哂衫，冰凍天氣，冰凍恆河，無懼！ 就算唔係出名嘅Ghat前面，一樣有人沐浴。 呢度就係最出名嘅沐浴場~Dasaswamedh Ghat 太陽出來了。 坐響船上面靜靜看著太陽出來，另有一份寧靜平和嘅感覺。 呢位就係我嘅船家。 位於Varanasi，恆河嘅上遊 上遊感覺是沒有盡頭的，因為事實上的確沒有盡頭的。 唔同Ghat嘅顏色，都為呢度加添多一點特色。 原本旱季會出現的廟宇，雨季後都被河水遮蓋了。 中下的另一個火葬場，亦係主力的一個。 話雖如此，響船上睇住日出，當太陽出來之後，天氣就變得好和暖，太陽伯伯就好似想話比我知，係時侯到你喇… ^^ 所以，遊覽過之後，I did it！好多人會話，恆河D水咁污濁，點可以浸個身落去架... 事實上，科學生都曾經做過實驗，雖然佢地最後都解釋唔到原因，但結果係恆河的確有一個自動淨化細菌嘅功能，而普通河流係做唔到。由於Varanasi位於恆河嘅下遊，河水已經唔急速，好平和緩慢，好多人會響恆河游水，可惜，本人唔識游水，實在唔敢… 落水前... 知唔知邊個係我呢... 為咗安全，浸浴後我搵毛巾包住自己，等船家送我返飯店後才更衣。 響恆河欣賞日出，時間就好似比佢鎖定咗一樣。到你發現嘅時候，時間已經偷偷地走到你叫唔番轉頭嘅時間。下午我響附近周圍行下，當然，途沿要不停做人板比人捉住影相啦。 呢位先生身邊全都係聖物。 肚餓，食番個甜甜Jollibee先！ 響街道上唔難見到有人搬運屍體嘅場面。 呢位賣藝人有一隻馬騮在旁一同表演。 咁樣睇報紙，你試過未？ Varanasi有個Shiva Golden Temple，我建議到Varanasi嘅人都可以一去。廟宇入面唔比影相，守衛深嚴，係連袋都唔比帶入去架，但你可以響入面感受得到真係印度廟嘅氣氛，同已經成為旅遊熱點嘅廟宇感覺，大有不同。 廟宇更送咗一環鮮花比我，意指神對你給予祝福。 印度正崇Lassi，好甜，印度人就係靠佢地清熱架喇！ 肚餓，又坐底食D野先！ 第二晚，我嘅節目同第一晚係一樣(其實，係呢幾晚都係一樣 XD)，就係晚上7時嘅恆河puja。 Puja有分別2個組織負責。第一晚，我留守響最初組成嘅puja場地，最傳統，有七個神檀。第二晚，我選擇響其後先組成嘅puja場地，場台比較少，只有六個神檀，但我想感受一下有咩唔同。 Shiva 和 Pravati 神像高掛，保佑大家。 Dasaswamedh Ghat係Varanasi最主要嘅石階同沐浴場。 未開場之前，找到一位祈福者一同拍照。 儀式由響亮的號角開始。 這就是 PUJA 我就響人群之中。 不感受，當然就沒有比較，但一感受就出事了。這次的puja，比我感覺祈福的人士都得過且過，好似做show比人睇咁！所以如果大家只有一晚留在Varanasi，一定要在傳統較大型的神檀啊！=.= 每天晚上puja後，Varanasi就會變得份外寧靜。 黎到Varanasi第二日，好鐘意呢度，呢個地方已經唔係印度小鄉村，除咗印度當地人會到Varanasi拜訪之外，世界各地亦好多人會模名以來朝拜。其實，每天晚上嘅puja，都係人頭湧湧。 fb: www.facebook/lifetoletgo blog: http://www.lifetoletgo.blogspot.hk
