已經過咗一年喇，我，決定開始寫番我對Varanasi嘅感受出黎。遲遲未寫，唔係唔想寫，而係唔知點開始寫好，對於Varanasi呢個地方，百感交集。 家的感覺 ~ Varanasi 基於本身係Shiva神嘅信徒，上次黎印度去過Rishikesh朝拜之後，一直都想到Varanasi一趟。印度人相信，Varanasi係Shiva曾經居住過嘅地方，相信位於恆河下游嘅Varanasi，河邊大部份嘅台階都係Shiva建成。所以，忠誠嘅印度教信徒，都認為一生之中，最少要去一次Varanasi呢個地方，先叫做不枉此生。而我去到當地，先發現原來真係有印度人，用自己最晚年嘅餘生，選擇響Varanasi渡過，為嘅，就係知道自己如果返回路途遙遠嘅家鄉，死時未必可以有機會(不論是金錢問題，或是其他問題)再回到這裡，佢地，就選擇咗響度等死，目的，同樣地係希望可以死時回到恆河母親嘅懷裡。點解？相信大家都知，我都唔多作解釋了。 到達Varanasi火車站 黎到呢度，點都要同自己影番張相！ 第一日去到Varanasi呢度，由火車站一出黎，就有好多tuk tuk司機爭相叫你上車，但當你話比佢知你要去恆河邊嘅飯店時，大家都會話比你知嗰度好遠架，車都入唔到去架…等等等等嘅說話，當然，就係為之後嘅開天殺價啦！幸好，同行有3位外籍人士都係去附近，而且大家都係強硬派，最後得以4人share價錢，總算唔好比人殺得太多錢啦~ 飯店向住恆河嘅風景。 到達飯店之後，發現果然 *0* 接近飯店鄰近嘅路，都係小路，好似迷宮一樣，花咗我唔少時間問人同搵路，先至搵到。由於下午時段到達，而我又一早預留咗多少少時間留響Varanasi，我好安心咁，今日行程係食下野，好relax咁行下恆河邊，最主要嘅環節，就係晚上7時嘅puja，亦即係向恆河母親致敬同祈求嘅慶典儀式。 呢個餐真係飽到呢。。。 XD 隨處可見嘅聖人，真正嘅聖人係唔會問你拎錢架！ 隨處可見嘅小廟宇。 好多印度人會一大批人一齊坐船遊恆河，價錢相對較平。 其中一個燒屍場。 其實我真係分唔出D木材到底有咩分別。 到場都有嘅Ghat，信徒都相信係由Shiva神建成。 只要誠心，到處都可見神嘅顯現。 Shiva係當地出現得最多嘅神祇。 色彩鮮明嘅廟宇。 印度教信徒心中牛是Shiva神嘅坐駕，同為靈性之物。 聽到佢地對話，知道佢地係泰國和尚。 一隻隻小船隻，供應大家遊恆河。 每個唔同Ghat都有唔同嘅色彩。 印度各大神祇。 其中一首經文~ 呢度有出名嘅Silk Factory。 行下行下，就快就到夜晚，靜靜地坐著，回想起當初，多得祝福，不論大家說得如何危險，如果艱辛都好，今日終於黎到Varanasi了，Puja亦都要準備開始了。 Shiva Parvarti Shiva神像 Puja神壇 色彩繽紛嘅裝飾 祈福者開始puja 祈福者於東南西北各方祟拜。 其中一件puja物品 好靚嘅神壇 呢兩位信徒好好，Puja完咗佢地仲帶領我去拎聖靈食物呀！ 好好彩，黎到Varanasi呢幾日，係當地嘅音樂節，免費入場，令我有機會欣賞到當地正宗嘅舞蹈同音樂。原來，印度正宗嘅舞蹈背後都有一段故事，強勁嘅舞蹈員隨住強烈嘅音樂節拍，跳到一身是汗，仲要在旁講解番舞蹈背後嘅故事，真係萬分佩服！ 印度傳統舞蹈 印度傳統音樂表現 晚上，船隻在恆河上休息。 晚上的Varanasi，十分寧靜。 搞咗咁來，終於黎到Varanasi，呢晚好好訓一覺，準備好第二日一早起身去探索呢個Lord Shiva曾經居住嘅家。 fb: www.facebook/lifetoletgo blog: http://www.lifetoletgo.blogspot.hk
