並非天生嘅素食者，但就係鐘意素食。 以前嘅我食親所謂嘅好野（fine dinner呀，大大碟海鮮呀…）配合埋餐廳嘅靚裝修，加埋靚景同我影嘅靚相，放上facebook，往往令朋友胃口大增問我響邊都想去食。唉… 非直接地，引領咗好多人去殺生。自知罪孽深重。希望仲有機會帶番領多D人想去食素食啦！ 素食往往比人感覺無味，無得揀，食唔飽… 嘅感覺，但，其實只要搵啱地方，一樣可以搵到好味又食到你好飽嘅素食呀！排名不分先後，今次想介紹嘅素食，係佢… 真係好好味道素食料理！ 黎到銅鑼灣，講起素食，次次D人唔係講“功德林”，就係講“大自然素食”。講真，功德林都仲可以，大自然素食本人就真係麻麻。“紫來坊 素食料理”原本係一間好細好細嘅素食食店，所以如果同朋友去食飯，想坐得舒舒服服傾下計，都唔會揀佢… 雖然佢D素食真係好好味！但… 以家紫來坊有分店喇！！！響銅鑼灣嘅商業大廈樓上，唔再係細細間舖，可以同朋友舒舒服服咁坐底食野！近期，我就已經去食咗兩次，真係好好味！ 原本細細間嘅小食店，終於上樓喇！ 新店有多張枱，可以多好多人食，一家大細都啱！ 呢晚同朋友黎食，睇下佢地有分店之後水準有無變先！ 碧綠法輪卷，在小店時已經係廚師推介，好味！($78-) 鮮淮山木耳蒸雞 XD 好補呀！ ($88-) 淨雲吞拼水餃，兩款都整得好好食！($88-) 飯後仲有免費糖水食，真係有誠意！ 食過番尋味！前幾日又再同朋友去食，今次食唔同菜式，真係道道都咁好味！ 竹笙榆耳燴素翅，唔洗講，好飲！ ($48-) 蜜糖豆木耳雲腿片，爽口清甜之選 ($68-) 呢個勁，黃金胞皮雞，我朋友超鐘意食！($108-) 呢個要最後介紹，係我以前必食，但以家去茶樓已經無再食嘅 ～ 全麥叉燒包，個包軟身到無涵就咁食都好好味！ ($42-) 講真，在本人黎講，食素食嘅地方，除咗食品之外，環境都好重要！紫食坊 素食料理雖然係小本經營，但勝在真係好有心！食物唔似大集團，食到只有商業味道，而且入面伙記真係個個都咁好！每次去完呢度食飯，心都靜瑜一會 (^o^) 差D唔記得咗！最重要係佢地！ 食完一次之後就會有張VIP咭比你，之後就不收你加一。 地點同訂座電話 (*^_^*) fb: www.facebook/lifetoletgo blog: http://www.lifetoletgo.blogspot.hk
