返到曼谷，已經係零晨12點了，夜媽媽，邊度都唔洗去啦！返酒店，朋友家人要沖涼，所以就等佢地沖埋涼，我地先出街食晚飯！結果……我呢日嘅晚餐係零晨兩點幾先食囉 =.=’’ 響的士上，影唔清夜市路牌。 見到中文字無? XD 最後我地幫親呢位姐姐~ 我揀咗魚蛋，好味呀！ 因為呢個原因，第二日我地決定盡人事唔好咁早起身，酒店12點check out，我地就真係12點先check out！哈……不過時間都唔係好多，因為成個曼谷成日都塞車，我又要6點前去到機場，所以其實只係得番幾個鐘頭！ 朋友家人帶咗我地去Platinum呢間shopping mall食飯，不過食飯前我忍唔住買咗好多個袋，比自己啦，又比媽咪啦，因為太平了，又靚 XD 所以之後趕趕急急食完野，就去機場了！ 商場food court要用錢買咗呢張智能咭，再用呢張智能買野食。 多謝呢兩位泰國朋友帶我一遊曼谷。 我就係咁，每次都搞到D時間趕趕急急 XD 泰國機場 曼谷夜景 好靚 ^0^ 今次跟泰國人去蘇梅島結論係 ~ 其實泰國人去，都唔會平好多。因為當地玩嘅野好多都set好哂價錢，唔係因為你係泰國人就會計平你。唯一可以慳，就係響搭車同買野講價時，泰國人係可以叫價平D嘅…不過，有機會真係可以再去蘇梅，嗰度嘅生活節奏同Full Moon Party *U* 我真係好鐘意！ fb: www.facebook/lifetoletgo blog: http://www.lifetoletgo.blogspot.hk
