返咗黎成個月，開始有心情寫番今次去蘇梅島嘅有趣事了。準備出發去泰國，心情無想像中咁興奮，不過⋯⋯出發！ 例牌相片 ^｡^ 難得有幾日假期，唔洗返office，可以比我畫下印度henna響手，懷念一下上年嘅今日我，仍身在印度。 自己畫嘅henna 香港天上嘅白雲 曼谷雲下嘅城市 今次去蘇梅島係同朋友家人一齊去，朋友一家係泰國人，就來一次泰式玩法 ～ 響香港神咁早就收達機場，飛到曼谷，已經係中午時份了。但，明明去蘇海島，點解會去咗曼谷落機呢？原因係因為買唔到直飛去曼谷嘅機票，所以我地係會係先去曼谷，再轉機去蘇梅… 曼谷國際機場，有free suttle bus去曼谷內陸機場，不過要提供內陸機場上機嘅機票，我地豬 >.< 無print定出黎！不過，每人比40bhat，都好過坐的士比人殺價950 bhat去嘅⋯⋯ Suttle bus響機場底層嘅左手邊有一個小counter，好易走漏眼！ 泰國人熱愛國皇，到處都有佢嘅相！ 好快，我地就到達曼谷內陸機場喇！就係呢個時候，我發現人生真係充滿驚喜 XD 因為⋯⋯ 泰國內陸機場 去Surat Thani？！ 唔係去Kol Samui咩？！ 一小時機程，有個小小飛機餐。 呢架飛機真係好得意，忍唔住要同佢影張相！ 好！係時候解釋番，點解班機唔係去蘇梅 XD 原來係因為朋友話由曼谷直飛去蘇梅島張機票唔抵，反正我地有時間，所以會先去呢個叫Surat Thani呢個地方再坐船入島！真係⋯⋯人生係充滿驚喜的！ 坐巴士無咩特別野做，影下車飛。 又影下一陣坐船嘅船飛！ 到達碼頭了！ 船上嘅風景～ 老實講，坐船去蘇梅島，除咗慢呢樣野，對於有時間嘅朋友，坐船前往蘇梅島，係一個不錯嘅選擇。船上面好舒服，有電視睇，有泠氣，有野食，有腳底按摩做，最頂層更加可以比你舒舒服服迎著海風䏲日落。不錯！ 到達蘇梅島，已經係晚上了。雖然坐咗成日飛機，巴士加船，都開始有D累，但拎住咁多行李，我地都係坐泰國地道交通工 ^.^ tuk tuk返resort先！ 終於都見到Kol Samui，到蘇梅島喇！ 架船好大，除咗戴人，底層係戴車！ Tuk Tuk戴我到resort了！ 返resort放底D野之後，大家就一齊出去食野了！ 醫肚！ 好大隻呀！ 基於肚餓，食哂D野無影相 XD 泰拳，呢度有得睇！ 蘇梅街道 蘇梅，比我想像更熱鬧，好多夜市，好多酒吧（當然有唔少醉酒佬 XD），不過⋯⋯今日夠了，聽日先開始慢慢發掘呢度，今日，就咁多先！ fb: www.facebook/lifetoletgo blog: http://www.lifetoletgo.blogspot.hk
