並非天生嘅素食者,但就係鐘意素食。 以前嘅我食親所謂嘅好野(fine dinner呀,大大碟海鮮呀…)配合埋餐廳嘅靚裝修,加埋靚景同我影嘅靚相,放上facebook,往往令朋友胃口大增問我響邊都想去食。唉… 非直接地,引領咗好多人去殺生。自知罪孽深重。希望仲有機會帶番領多D人想去食素食啦! 素食往往比人感覺無味,無得揀,食唔飽… 嘅感覺,但,其實只要搵啱地方,一樣可以搵到好味又食到你好飽嘅素食呀!排名不分先後,今次想介紹嘅素食,係佢… 素食 ● 微調 係近日大熱嘅素食小店 假日,同朋友又去試下新素菜!今日要去呢期好大熱嘅 ~ 素食 ● 微調 店舖位於大坑銅鑼灣道,唔算方便,不過亦唔係隔壁到好難搵。同樣地,都係店鋪細細,主要都係大自然裝飾為主,家俬亦多為木製,感覺好舒服。 店舖好細,入面只有10個座位。 我今日揀咗呢個素漢堡包餐黎試,一見到個樣,已經好滿意。食落去,好好味,最緊要係,唔油!滿意! 茄汁係佢地自家製,更加無害。 朋友就揀咗個土耳其卷配甘筍汁嘅套餐 XD 佢話好好味喎! 雖然我無食,不過睇個樣我都覺得OK。 地方細細 ^~^ 但勝在可以過一個寧靜嘅下午。 個人黎講覺得呢度係食下午茶嘅好地方,如果午餐或晚餐黎,對於我個人黎講係會食唔飽!不過,食品又的確有質數嘅… 咭片都準備好了,隨時要食就訂位啦! fb: www.facebook/lifetoletgo blog: http://www.lifetoletgo.blogspot.hk