並非天生嘅素食者,但就係鐘意素食。 以前嘅我食親所謂嘅好野(fine dinner呀,大大碟海鮮呀…)配合埋餐廳嘅靚裝修,加埋靚景同我影嘅靚相,放上facebook,往往令朋友胃口大增問我響邊都想去食。唉… 非直接地,引領咗好多人去殺生。自知罪孽深重。希望仲有機會帶番領多D人想去食素食啦! 素食往往比人感覺無味,無得揀,食唔飽… 嘅感覺,但,其實只要搵啱地方,一樣可以搵到好味又食到你好飽嘅素食呀!排名不分先後,今次想介紹嘅素食,係佢… 淨係未坐底見到佢地套餐具,就已經有一份平和嘅感覺。 身處港島東嘅我,10年都唔願意過海一次,但偏偏九龍區就隱藏大量好味嘅素食餐廳,呢間絕對係其中之一 ~ 素食一家 舖仔細細,雖然裝修方面唔可以大費周章,但店主亦無媽夫,店裡有不少給人舒服感覺嘅裝飾。 店舖細細都有唔少呢種木掛飾。 心經就掛在牆上。 講食喇!老實講,素食一家除咗食物素數好味之餘,價錢亦十分經濟,除咗散叫之餘,仲有唔少套餐比客人揀! 人少少可以食呢D套餐。 連10人套餐都有,人多人少都招呼十足。 呢日我想試多D野,所以無叫套餐,兩個人散叫咗幾款菜黎食,就食咗呢幾樣野! 魚生刺生拼盤 $39﹣真心話,好味過大自然素食! 一品飽魚刺身 $39﹣ 酥皮南瓜飽魚湯 $40﹣ 入面好足料,南瓜味好鮮甜! 涼拌川味手撕雞 $29﹣ 呢個好開胃! 中東芥末雞球 $59﹣ 好多西芹,向高血壓人士推薦! 酸甜芋絲千層夾 $29﹣ 唔知唔覺,叫下叫下原來已經叫咗6道菜 XD 不過… 6道菜都真係好好味!而且唔油!臨走前,仲帶走一張VIP咭,以後食野有9折(VIP咭食滿300就送一張架喇!)! VIP Card XD 餐廳唯獨有樣野要注意,就係之前都提過,細細間店舖,食之前最好就先訂位! 訂咗位先黎,就唔怕無位啦! fb: www.facebook/lifetoletgo blog: http://www.lifetoletgo.blogspot.hk