峇里，係第一個我選擇生日響外地渡過嘅地方。 機票上刻上自己我生日日期，我係第一次！ 期待咗好耐，旅程未開始，響香港機場check-in完，慢慢嘆緊個早餐時，我先驚覺，我部相機唔見咗 @0@ 聯絡番的士司機，確實咗我部相機響佢手，不過… 佢已經遠離咗機場範圍，我要去完呢轉旅行之後，返到香港先可以拎番部相機。所以，今次全程嘅相，都係靠iPhone… 到達峇里當日，已經係下午時份，約好咗酒店接送，不過無理由咁快返酒店架嘛，所以，都約好咗司機會帶我周圍走走之後先返resort。峇里，響我心目中係一個浪漫嘅地方，海灘浪漫，人民友善，連食物都特別好味！(唔係賣廣告，不過我發現峇里食晚飯好得意，黑媽媽永遠睇唔到自己食咩，但真係好好味！) Kuta Beach嘅黃昏好美，不過人多咗D⋯⋯ 響Kuta Beach買嘅大象腳繩 ～ 啤酒罐砌成嘅獎杯，一見愛上！ Bintang係峇里當地啤酒，我響當地幾日都係飲佢！ 食完晚飯之後，我就返resort了，當然，今次我比起上次響保和島，更加滿意我嘅villa！原本我係book咗對住海嘅villa架，不過reosrt話因為我生日，專誠upgrade咗一間family villa比我，入面有成三間房架！雖然只係開一間房比我住，但，family villa入面嘅private pool，係比我book嘅private pool嘅兩倍大呀！亦即係，真係比你游水架！真係好開心！而且… 除咗villa，仲有其他surprise比我呀！係咩？自己睇啦 ^~^ 好大張床，好舒服，望出去就係泳池。 呢個浴江，真係好正！ 梳妝間有分男女兩邊，夠哂空間，呢邊係女嘅！ 真係咖啡機都靚過人！ 呢度係另一邊廳，係family villa先有架！ Resort好細心，好多護膚品都有，而且用當地天然成份製成，可以安心使用！ 有女士專用，當然都有男士專用啦！ 呢個surprise，真係好surprise... >.< 心都甜埋！ 對間房就真係好滿意喇！今次睇咗內部係點，其實外邊都好正架！不過黑媽媽⋯⋯第二篇再講啦！第二日仲要一早出去玩，浸咗個靚浴，成個人舒服哂！早D休息先得！ fb: www.facebook/lifetoletgo blog: http://www.lifetoletgo.blogspot.hk
