尋日玩咗成日，真係好累，不過，一於好少理！因為今日要向大海出發^0^ Go! Go! Go! Amorita Resort嘅服務真係好細心，雖然今日我唔係join resort嘅tour去玩，但知道我一早要外出，都係準備咗份好豐富嘅早餐比我！Buddies嘅resort無咁好準備比佢地，我仲分咗D比佢地食tim XD 真係開心！ 開船喇！ 今日第一站，向海豚出發！第一次親身出海尋找海豚嘅蹤跡，心情當然興奮！早上天氣好，睇到唔少海豚出現！不過講真的，今次睇完之後，以後都唔想再睇！佢地真係好得意，好靚，見到佢地出現嘅時侯，更加有個莫明嘅興奮響心，不過，當有幾條海豚真係好近咁游過黎嘅時侯，我響佢地身上見到一D疤痕，係好明顯比一D船嘅引擎弄傷咗身背 …~.~… 望到真係好心痛架！而且，其實每日都唔只得一艘船出海睇海豚架！換言之，其實係有數十艘船向住D海豚追逐，都係可憐，人比幾個人跟住都已經好煩啦，何況係每日都比十幾餿船跟住… 所以，呢次之後，雖然海豚真係好靚，好得意，但我都唔會再去打擾佢地喇！ 一群群，不過佢地動作好快，我影唔切呀！ 好難影佢地﹣。﹣ 探完海豚之後，下一個當然要落海啦！潛水玩過兩次，浮潛反而未試過 ^~^ 其實海底真係好靚！一早有準備，裝滿麵包嘅水樽，餵魚！ 餵魚！ 一齊餵！ 我驚到拉住條繩唔敢游我遠！ 好多魚呀！ Buddies話遠D靚好多，但我唔敢去！ 海膽！ 但，答案係一樣，呢個活動應該係最後一次，直到我識游水為止！原因？本人身型太哈比人喇！救生衣根本唔係我size，著咗等於無著，所以氣管一入水，我就出哂事，太無安全感了 >.< 相反，潛水帶住個氧氣樽落海底，我一路都有氣呌，感覺安全之餘，自在好多！ 一齊食飯喇！ 好靚嘅小島～ 好好味嘅海鮮餐，唯一缺點係好多‘烏英’⋯⋯ 休息時做下D無聊野先～ 日落之前，同buddies一齊趕到保和島出名嘅處女島，可惜，遲咗！如果可以喺潮漲之前趕到，就可以見到呢個誇越兩島嘅沙灘了！不過，睇唔到沙灘，呢度嘅美景一樣好靚嘅... 島上可以開海膽即時食。 好大條海參。 跳呀！下面就係潮漲遮蓋咗嘅沙灣！ 陪我地玩足一日嘅船家！ Tuk Tuk，菲律賓都好普遍嘅交通工具，我響島上都係用佢多！ 返到resort又有surprise，條鎖匙有新手環裝飾！ 夜晚成班buddies一齊食飯，多D人，可以叫多D野食試多D嘛！ 有人結婚呀！ 響沙灘上面搞婚禮，其實都幾浪漫 XD 手咁大嘅魚⋯⋯ 題外話，去咗呢度3日，頭髮已經被海洋弄乾枯到不用橡筋都可以札頭髮了 ~.~'' 食完飯返到resort，身痕好掛住Tarsier，就拎哂佢地D手信出黎影下相！ 好得意呀佢地 ＊V＊ 呢幾日都真係玩得好開心！好鐘意保和島呢個地方！ fb: www.facebook/lifetoletgo blog: http://www.lifetoletgo.blogspot.hk
