Hea咗成日，終於都出發環遊墾丁喇！墾丁呢達地方的確唔錯，位於台灣南部，天氣不時都好陽光普照，而且四面環海，真係好舒服架！呢幾張相只係響飯店附近，一早天氣好，海洋都特別靚！ 石好靚！天好靚！海好靚！ 好有魚村feel呀 ^_^ 個海幾咁靚⋯⋯ 第一站先出發嘅地方，係白沙灣，名符其實咁命名。不過… 有D失望嘅係，以往由於太多人偷D白沙走，所以以家呢個沙灘已被列入保護範圍，無得入去了… 因為D無公德心嘅賊仔，以家再無機會親手掂下D白沙喇，只可遠觀。白沙灣對住就有個資料館，係屬於呢個白沙灣，有少少白沙比你親身摸下，不過，又點及你親身行落沙灘感受呢… 就係咁，far away的白沙灣。 如果可以入到去，應該會靚好多。 從資料館望出去嘅白沙灣。 之後我地就去咗當地好出名嘅公園，其實我都唔係好記得呢個公園叫咩名，不過呢個公園真係好大，好親親大自然！ 同陽光玩遊戲，你想唔輸都難！ 呢個品種⋯⋯ 確實特別！ 親吻石 >_< 中間有段小插曲，就係公園唔知點解有條小路係可以行去後面就係… 唔知邊，我當然即刻又好奇又好想行去睇下啦，咁啱呢個時間就有個單車環島人響度出現！我當然即刻捉住佢問佢呢條路係去邊啦，佢話呢條路行入去後面係大海，不過佢唔建議我地行入去，因為颱風剛過，後面仍然好大風，而且D石好滑，我同朋友又都著住人字拖，佢話太危險了！聽完佢嘅忠告，道別之後，我地就即刻出發前往了 XD 的確，呢度只有石路。 但我都係唔識死，仲爬咗上去影相添！ 行完呢個公園，我就向鵝鑾鼻公園出發！呢個公園都一樣好靚，而且仲見到有人黎影婚紗相添，可想而知呢度個景幾唔錯！ 唔哂介紹啦，寫哂出黎。 呢座白塔，幾咁有feel。 每年都有好多人黎墾丁影婚紗相。 呢個唔止係墾丁，更加係台灣最南部。 再之後我地就去風吹沙，嘩… 真係唔係講笑，除咗靚，真係大風到... 你睇相就明了！ 好大風，要‘禁’實條裙先！ 睇我D頭髮就知呢度嘅風勢幾勁！ 風吹沙嘅一舊大石。 風吹沙之後，我繼續一路向北，黎到佳樂水。我強烈覺得呢個景點值得一到，因為自然嘅風化，真係令到呢度嘅石好特別，我個人特別鐘意！ 樂佳水簡介～ 左邊似唔似有個人頭，加埋之後兩舊石，似唔似一個人訓咗響度？ 呢度有好幾艘船響度撞咗之後，無人拖走，呢艘係其中之一而已。 似唔似青蛙？ 呢個係一隻鯨魚從海中游上海面呼吸，似嗎？ 我後面嘅一面表情石都係大自然之作。 之後嘅一站，其實就唔係我原本內定要去嘅地方，不過，正正都響環遊墾丁嘅行程入面，就照去啦！如果你地都覺得好熟口熟面，好正常，因為，其實，就係海角7號嘅景點囉 OvO 茶山吊橋～ 恆春古城 唔知點解無啦啦有嘅。 記得【海角7號】阿嘉之家嗎？ 音樂沙灘 記得這裡嗎？ 好！海角7號嘅景，當然有好多，不過大家相信想睇戲多過相！所以，去睇出火好過！不過，真心的，去到其實有D失望，因為... D火好似比我想像中，有D強差人意... 出火，就係由呢個公園進入。 就係呢一少少火 =.='' 但好明顯睇得出有時係會好大火，介紹版都有D濃了。 已經玩咗成大半日lu，要上關山䏲日落。不過可惜黃昏時白雲夠多，所以都唔係好睇到。 呢舊龜石，的確好龜。 最後，我想講嘅係，墾丁的確真係有好多好靚嘅地方，但，並唔你全部都比你親身現身於景點之中，有唔少其實係響範圍以外望過去。 就係咁，除咗唔可以入場嘅沙灘，普通沙灘其實無咩特別。 下一篇，響墾丁嘅第三日，遇上小黑咁型仔嘅阿sir帶去潛水，去世界只有3個地方有鯨鯊嘅海洋博物館，國立海洋生物博物館 XD 要養足精神出發！ fb: www.facebook/lifetoletgo blog: http://www.lifetoletgo.blogspot.hk
