去高雄，去嘅目的就係為咗去墾丁。今次揀咗《阿哥之家》呢間民宿，我十分滿意。基於朋友跟其太太都響大約時間黎到墾丁渡假，都係揀咗阿哥之家，比較之下，結果係… 響民宿望出黎景，見到船帆石同藍天藍海，一流！ 另一邊景可以望到好清楚嘅船帆石標誌！ 房好乾淨，又大又舒服！ 浴簾係我鐘意嘅殺人鯨呀 *V* 露台雖細，但足份夠用，而且勝在咁先令你響床上都可以望到個海！ 佢話下次有機會，佢情願平D住我2樓嘅standard room，都唔會比貴D住3樓嘅deluxe room！原因係佢話3露台係大D，不過佢情願訓醒好似我咁響床就可以望到個海。佢間房的確可以對住個海浸浴，不過浴缸好細，同時間容納兩個人其實有D逼，而且… 隔離房突出少少個頭再轉個頭過黎就望到自己個浴缸(因佢都可以咁樣望到人地嗰個)，佢覺得好無私隱。最後，佢話愛侶雖然親密，但洗手間公開到… 開大時有味架嘛，佢最後只係房外先敢去大 ^~^ 而我，當然好滿意我間房啦！ 第 一日響墾丁，我無特別要去邊，因為想放鬆休息下。而且，由高雄訓醒，食完野再坐車到墾丁已經無咗個半個下午。晚上前，同民宿老闆安排好明天同後天租車環墾 丁嘅行程之後，當然要去出名嘅墾丁夜市朝聖一下啦。墾丁夜市一樣好多野食，我地無邊行邊食，因為除咗食物，呢度仲有好多夏日野賣，陽光海灘嘛… 當然啦… 好多陽光特色嘅手工藝，衣服… 等等。大出血之後，先快步掃街買整要買嘅野食，拎番去自己間房個露台仔，望住個海食！不過我想講嘅係，D燒魷魚，真係超好味，雖然… 嗰晚食嘅野好似全部都好好味！ 夜市多野食！ 不過更加多野買！ 警局都型過人！ 墾丁，都係台灣人喇！人人都好友善，有咩想問，有邊唔識去，隨街問人個個都好樂意去幫你 ^0^ 唔錯！唔錯！ fb: www.facebook/lifetoletgo blog: http://www.lifetoletgo.blogspot.hk
