沙巴，係之前去架喇！今次原本係想自由行去，不過因為意外，最後變咗跟團去。其實，萬般個不願意，因為我知道跟團去，行程一定好緊密，無咩時間可以慢慢享受，慢慢休息。唸起都怕… Anyway，團已報，自然要跟大隊出發啦！ 行李，已準備好！ 今次跟團去住嗰間酒店都算唔錯，沙巴嘅香格里拉，我總算對房間同泳池都算滿意，而且酒店更加有佢地自己嘅私人海灘。 呢間房都算唔錯啦！ 酒店嘅裝飾物～ 好大個鼓響門口呀！ 樂器唔止係擺設，不時更加有樂師出現響現場奏樂。 酒店有自己嘅私人泳池。 私人海灘，黃昏。 今次呢個5天團，去程同回程都已經無咗2日，所以，第2日嘅活動就要開始好好把握 ~ 神山遊。 神山係沙巴入面最高嘅山，係海拔唔知幾多米，導遊有講架，但真係唔記得咗。山上面有D橋係連接響樹與榭之間。橋除咗麻繩，亦有木板在上，十分安全。行上橋之後，你就好似猴子一樣，可以響樹上眺望森林嘅景象，一目了然。合上眼睛，更加可以聽到來自唔同嘅雀鳥世界嘅歌聲。 急流嘅水聲聽落令人感到舒暢。 同團友一齊響橋上嘅合照。 橋真係好高架，都望唔到地下。 沙巴水果，唔知叫咩名但好解渴好好味！ 呢度D花好似我張面咁大，團友更響後面擺出pose ^_^ 傳說中嘅食人花，不過呢個只係模型，今次未有幸見到真實版。 呢隻沙巴馬騮同我個樣太似，所以要影番張相。 好大霧，見唔到神山個頂。 神山遊因為比較偏遠，車程用咗好多時間，所以呢個神山遊行程已經用咗一日 ＝。＝ 不過我返到酒店，都係唔係好願意去訓，去咗酒店沙灘8掛一下！ 晚上嘅私人沙灘，好靚。 第三日，行程係去紅樹森，日間時間可以見到只有響沙巴先會出現，但都係受保護，已經就絕種嘅猿，叫長臂猿。佢地除咗鼻，真係臂都好長架！見係見到好多隻，不過好遠，我部相機影唔到呢... 算！慢慢專心欣賞啦！夜晚嘅行程，係繼續響紅樹森睇營火蟲 ≧∇≦ 好野！導遊話可以響船上面食埋晚餐，幾有風味，唔錯，唔錯！ 響甲板上，靜靜欣賞晚上的靜，營火蟲的美，配以湖面倒影的月亮，感覺... 很美。 黃昏的紅樹林。 辛勞咗一日，已經好累，返酒店要好好休息。 因為之後要準備迎接我最鐘意嘅陽光與海灘！ fb: www.facebook.com/lifetoletgo blog: http://www.lifetoletgo.blogspot.hk
