離開咗屋企，人在異地就快兩個月了，對好多人黎講，可能都已經習以為常，不過對於我黎講，係第一次。 恆河母親的溫柔 選擇咗印度之後，唔鐘意先斬後就嘅我，選擇咗響出發前就已經向家人宣布：我要去！⋯⋯ 換黎家人反對，朋友唔支持，我自覺自己攞黎。不斷睇咗好多資料，唔同嘅網站，唔同嘅blog，唔同嘅討論區，大概我都上過數以千次，當然，不忘嘅仲有就係旅遊書啦。不斷更新資訊，無數次的來回電郵查資料，訂飯店。最後連家人和熟識自己的朋友都明白我去意已決，準備功夫亦已作好。 藥，被塞得密密麻麻，結果肚痛丸無掂過，反而緊密行程同身體狂行發咗兩次燒，響印度藥房買藥原來唔錯，經濟得黎又有效。Visa機票唔洗講，最後唔想打嘅針都響千軍萬馬指責下，打埋。買埋有史以黎最貴嘅旅遊保⋯⋯ 靜靜在恆河誠邊等待日出 到抵達Varanasi之前，又要十多個小時的火車上，清晨起來還未到站，我不再想與人對話，也不太想聽音樂，我坐在火車門邊，望住火車一幕幕地高速飛馳。由香港出發開始，無數回憶在腦海一直不斷氾濫地製造。一幕幕回憶，開始在腦海裡慢慢浮現出來。一個月的瑜伽課程雖然辛苦，但完結時發現得著卻比付出的更大。孟買貧富差別之大。金廟裡錫克教徒的溫柔與勇氣。泰姬陵的美與悲。四色城市嘅美絕。千柱廟巧奪天功嘅天花。性愛廟群令人大開眼界嘅另一種神聖。種種種種⋯⋯ 都出發響我腦海中。下一站，就要出發去Varanasi。Varanasi係我今次去印度，最高位置一定要去嘅地方，應該咁講，今次之旅，其實就係為咗瑜伽、沙漠同Varanasi而去。之後，我更加發現呢個係我去印度咁多個地方入面最鐘意嘅城市。 Lord Shiva Varanasi，位於恆河中下游一帶。一個印度教徒都深信Lord Shiva（三大神祇之一，毀滅之神，亦寓意重生，亦係瑜伽師仙）曾經定居響呢個地方嘅聖城，有無數嘅Ghat大家都深信係Lord Shiva建成。印度教徒深信輪迴，相信在恆河沐浴後，即可洗滌汙濁的靈魂；另外，亦相信可以死後將身體或火化後將骨灰灑入河中超脫生前的痛苦。 人生有苦，必然有甜。不過呢兩粒，真係好甜。 由上一次我去印度Rishikesh，位於恆河中上游一帶，到至今我位於恆河中下游。感覺，真係差天共地。恆河中上游水潮係十分急速，即使落河沐浴都只可以選擇響河邊嘅梯階。但，當恆河嘅中下游一帶出現響我面前，我終於明白點解有人會話恆河母親嘅溫柔保護住一切，呢一刻，我親身感受到。恆河慢慢地流向下游，除咗保護住千千萬萬嘅印度子民，亦保護住千千萬萬嘅純潔心靈。 信徒在那裡都可以看到神。 寫呢篇blog，係因為我要開始寫我響Varanasi嘅日子了。但，我真係唔知點開始，有太多野想講，有太多相想分享，都唔知做得邊樣。希望慢慢寫下寫下，會唸到點寫啦！到底點開始好？ fb: www.facebook.com/lifetoletgo blog: http://www.lifetoletgo.blogspot.hk
