到達了，聞名不如見面嘅性愛廟群 ~ Kajuraho 晚上坐tuk tuk時，見到隔離架tuk tuk... 西利！ 呢個地方好細，其實同一個小village差唔多。不過有樣野好開心，就係可能因為唔多旅人黎呢度，我搵到間飯店好平呀 ^0^ 係全程最平嘅一間。 樹下shaving，真係別有一番風味 ~ 呢個位於印度中北部嘅世紀印度教寺廟遺跡裡面，有多幅刻有露骨性愛交歡的雕刻。睇相就睇得多，不過黎到現場，的確對某D雕刻又真係忍唔住”WoW！”咗聲出黎！ 記得買咗入場卷先入場呀 >.< Kajuraho 大致分為東、南、西三群印度教和耆那教神廟，其中西面神廟群分佈得較集中，位置就響飯店附近，行過去就可以。 淨係西群廟都好靚，可以比人慢慢觀賞，其中部份如下： 成座神豬身上所有地方都刻有神祇圖案或梵文。 神豬的身 ~ 只係其中一座廟宇，真係好大。 廟宇內有特別雕刻嘅支柱。 經過歷史洗禮，部份已經被破壞。 連柱與柱之間都有雕像，古人真有心思。 廟宇內的神像。 慶好神像範圍多為禁步區，神像多數得以保存。 好難得先搵到人幫我揸機影番張相。 另一廟宇的牆身，刻滿梵文。 另外其一廟宇的外牆。 Shiva神像嘅神牛Nandi，當然要合照一下！ 令人瞠目結舌嘅古代大膽雕刻，出現喇… 幾咁... 但其實真係，係好美嘅雕刻。 即係咁，原來同動物... 係11世紀時已經開始有。 整副都係性愛動作嘅雕刻，問你有無目定口呆？！ 西面廟群真係好靚。 東面廟宇群分佈較散，當中最靚嘅幾間都歸入博物館範圍。靚，其實就真係好靚。不過有D古怪就係，佢地係連佛像身上都有埋性器官嘅雕刻，我咁大個女真係第一次見。而且廟宇入面不時會有人問你攞錢，仲要指明性咁講出：Give me US Dollars. 聽完真係呆一呆，乞錢都要乞美金。Anyway，如果你地遇到咁，唔理佢地就可以。 東面廟宇，重質不重量。數量唔多但都巧奪天工。 咁大個女第一次見有性器官嘅佛像。 東面廟群，真係全部神像都係咁。 行完西群同東群廟，我又搵咗個地方坐底食野休息下。Kajuraho呢個小村其實算係幾寧靜，好少居民，旅客亦唔算真係多。可以響呢度休息一下，感覺唔錯。附近有個小湖，我食完飯仲響度休息咗一陣，又睇下呢度嘅人係點生活。 響湖上湖裡休息游水嘅居民。 另一邊湖，則一面平靜。 南面廟宇群分佈得最零散，路途亦較遠，要租車或騎單車。下午我想去埋南邊嘅群廟，就選擇咗坐tuk tuk去。之後先發現，原來其實真係唔係好遠，早知唔租tuk tuk，浪費金錢。南面廟宇唔及西群同東群咁靚，不過得意在會有人向你兜售一D有露骨性愛交歡的雕刻鎖匙扣。雖然相信大家都唔敢真係用佢出街，不過我都係選擇咗買幾個送比幾個香港男同事等佢地開心一番 XD 南部只有這座伕這樣的小廟。 置身於廟宇外牆之中 ~ 連街道上都有嘅雕刻。 就係呢幾個鎖匙扣，可以做出動作架！ 呢度D時間過得好快，輕輕鬆鬆又過咗一日。 fb: www.facebook.com/lifetoletgo blog: http://www.lifetoletgo.blogspot.hk
