第二日一早訓醒，我就即刻換衫出發了。一出到門口，就有好多人想叫我上佢地架tuk tuk(印度三輪車)，不過我今日無理佢地，因為我今日決定咗要搭當地巴士，感受一下當地文化。不過，響途經巴士站之中，響街邊見到好多佢地，好得意。 唔知佢地叫咩名呀 >.< 印度巴士好得意，巴士固然有佢自己嘅巴士站，不過，如果響中途你想落車或上車，有D地方司機見可行嘅情況下，都係會照停車比你。如果坐私營巴士，上車前最好問定當地人幾錢，因為收費人員有機會因為你係旅客而收你貴D。如果係政府巴士就有車票，跟車票錢比就可以，不過，政府巴士路線唔多，所以好多地方都係私營巴士去經營。 慶幸上車時有位坐，經過咗大約半小時，沿途我一路周圍望，想睇多D Jaipur嘅環境到底係點。半個小時之後，我就到達著名嘅Amber Fort了。一黎到，當然就係先見到周圍帶旅客行走嘅大象先啦！因為我響泰國已經坐過，而且我想自己慢慢行，細看一下周圍環境同影相，所以我無坐大象，選擇徒步自己慢慢步行入Fort。 上午時份，大象在Amber Fort隨處不見。 Amber Fort入面好大，分咗好多唔同嘅區域，每個區域都有佢地唔同嘅特色。有D地方真係好靚，不過… 我部普通DC就真係影唔到佢地嘅精髓出黎，所以，有D相，我都廢事拎出黎獻醜了… 其中一個議事廳，佢地就係響呢度開會喇！ 天花都別有用心地粉飾過。 唔同嘅大樓入面，都有唔同嘅裝潢，雖然都一樣別緻。 孔雀係印度國鳥，呢處嘅國鳥，細心看就知鳥身是置於牆外。 幾咁大個浴池，令我唸起中國嘅皇宮。 行完Amber Fort之後，我響就到出口處發現有道隧道話可以行去山上面更高嘅一個Jaigarh Fort，我當然即刻行入去啦，不過… 入面黑媽媽，燈都無，驚驚地，我好快又走番出黎。但… 又好想去睇噃，於是就問一問當地人，佢地話呢條隧道係真係可以去到山上嘅Jaigarh Fort，不過行上去都要超過半小時，所以好多人會搭車上去。不過我當然唔想坐車啦，佢話條隧道好安全，我決定一試。 出口處有呢兩隻大"獲"，唔知有咩用嘅。 就係由呢條隧道行上去於山上嘅山上嘅Jaigarh Fort！ 原來，隧道入面黑媽媽無燈嘅情況只係幾分鐘嘅路程啫，而且有D轉角位都有保安看守。黑暗之後，就係一條好長好長，而且係露天，被大陽暴曬之下嘅炎熱大道！ 久不久會有呢D陰影位比你行，但大部份路程都係比太陽暴曬。 上到呢個fort，又再一身大汗，不過… 都值得嘅。山上面嘅fort，雖然被太陽暴曬住，不過涼涼青風亦不停為你歡送 ~ 好高，好靚，好曬，好涼。 Jaigarh Fort上嘅景觀。 功遇有人在修補這裡的圍牆。 上到黎可以望到整個Amber Palace，真係好靚。 我身後似唔似萬里長城呢 ^~^ 行埋呢個fort之後，我就坐番巴士走lu，頭先都講過，印度嘅巴士好得意，你幾時想落車，就幾時叫停就可以了。我，就選擇咗響呢度停一停。 佢地叫呢度做水之谷，好平靜嘅湖面。 湖上旁邊有好多小販，其中一檔買印度風爭。 玩咗成日，真係好累。我響呢個水之谷休息咗好耐，當然，比當地人不斷邀請你合照係外國人在飯店以外休息必備嘅環節。天開始黑，我再上巴士(今日突然間一日坐咗3次巴士)返回飯店。響Jaipur我好似好少響街度見到有咩餐廳，所以我就返自己飯店食晚餐了。 印度D白鴿真係多到呢... =.='' 坐巴士時同已下班嘅司機合照。 早咗返飯店，食完晚餐沖完涼響房間入面多咗時間比自己靜止一下。飯店外面嘅嘈雜，同房間入面嘅寧靜，形成咗好大對比。四色城市都比我去哂了，每個顏色地市都有佢特別嘅地方。不過… 我自己就偏愛金色城市了。訓醒就要同四色城之旅告別，向性愛廟之地Kajuraho進發，哈… 呢個應該係好多男性想去見識嘅地方。 坐火車離開Jaipur時影。 fb: www.facebook.com/lifetoletgo blog: http://www.lifetoletgo.blogspot.hk
