好開心，好期待嘅呢一日終於來臨，一早鬧鐘都未響我就已經醒醒地，搵番尋日幾好景又幾好味嘅飯店食個早餐之後，我就準備同兩位同行者一同出發去沙漠。去沙漠原來要準備好多野，水呀、麵包呀、雞蛋呀、餅乾呀、米呀、果貼呀… 好多野食，一箱水一箱食物，好彩唔洗我拎！ 去沙漠嘅路原來好遠，我地先坐車坐咗差唔多兩個鐘頭，先去到比較荒蕪嘅地方，然後仲要再等駝夫黎，之後… 我見到佢帶住駱駝黎喇！心情好開心，好興奮！旅程正式開始！駝夫為駱駝扣到坐墊比我地，將所有我地嘅隨身物都放上駱駝身上之後，就協助我地坐上駱駝身上，出發！ 幾隻駱乖乖等我地出發！ 出發！ 一行… 我地就行咗3個鐘，沿途都只係荒蕪嘅大地，但，唔係沙漠。駝夫帶到我地去荒蕪之地上面嘅一家人附近，將駱駝停下。我地同行三個人都同一時間一齊唸，唔通係 騙局？呢度都唔係沙漠！結果… 駝夫同我地講番，要走到入沙漠仲要幾小時嘅路程先會到，以家仲未到，原來眼前嘅兩位女士同兩位小女孩，係佢嘅家人，我地會先響呢度食個午餐，休息一下先再 出發。 樹上面放咗唔同嘅煮食工具，第一次見，感覺幾得意。 呢個好似薯片咁，好好味，不過好油，即時炸出黎。 咖哩 ~ 放下心頭大石之後，我地就乖乖地坐底等食，同D駱駝玩下，感受一下呢個荒蕪嘅環境。 食過午餐之後，我地又再出發，駝夫無呃我地，因為，今次我地足足行咗… 唔係！係隻駱駝足足行咗四個幾鐘，我地先到達目的地。駝夫叫我地好好休息下，轉頭佢會為我地準備晚餐。 我地嘅目標係一致架！ 佢好鐘意我架 ^3^ 食過晚餐後，我開始覺得自己之前唔應該咁興奮，因 為只係晚上九點幾嘅時間，我已經好眼訓同好累。同行者都訓了，我其實好唔捨得訓，不過真係好眼訓，所以… 訓著咗。零晨唔知幾多點，我唔知點解札醒咗，一望，好… 靚… 呀… 今次真係無圖無真相，因為iphone同我帶去咗DC根本捕捉唔到呢片星空嘅美麗 *0* 但… 我好真心咁講，如果有機會，真係一世人要去一次沙漠，因為入面嘅星空，真係特別美麗。我就帶住呢一個畫面，好甜咁又訓著番lu… 到達！ 好靚嘅沙紋。 呢隻唔知咩昆蟲，不過呢度有好多。 真係響沙漠入面都餐餐都豐富！ 第二日訓醒，天都未光，準備睇日出！沙漠嘅早上，特別寒冷。 睇我帶哂泠帽著哂褸就知幾涷啦 ~ 食過早餐，午餐之後，我就準備上路，離開呢度，返回地市了。雖然時間唔係好多，不過呢一晚嘅沙漠之旅我好滿足，好開心有咁好嘅回憶同體驗。 同駱駝做個好朋友！ 騎駱駝真係好好玩，坐到咁高，望嘅野真係遠好多架。我仲響回程學識咗點樣自己控制隻駱駝行左行右，點令佢行同令佢停 :D 其實，同騎馬差唔多。 高高嘅駱駝，視覺果然不同凡響。 順帶一提，我想講金色城市除咗日間時間，晚上都一樣好美麗架！坐響城牆邊嘅天台餐廳嘅毯子上，有微風輕吹，我真係好鐘意呢個城市！ 金色城市 ~ 夜晚 返到地市之後，我返去飯店沖個涼，梳洗同休息一下，就向火車站出發，向四色城色之中最出名的 ~ 粉紅城市出發了！ fb: www.facebook.com/lifetoletgo blog: http://www.lifetoletgo.blogspot.hk
