等咗咁耐，終於黎到我今次去印度第二站一定要去到嘅地方 ~ 金色城市 Jaisalmer。呢個城市非常之吸引我，沙漠之都，令人唸起盜墓電影入面一幕又一幕嘅情節，泰山電影入面嘅豪宅華麗，沙漠之中探險嘅緊張情節…等等，都令我對呢個城市好著迷。 今次黎到Jaisalmer，我預留多咗時間比自己響呢度逗留，因為我要入沙漠一晚，親身感受同親眼觀望，響柒黑一片，了無一物嘅沙漠晚上，天上嘅星星會有幾咁美麗。 到達當地之後，第一個比我嘅感覺就係… 點解個火車站可以咁涷。明明響我上火車時，日間氣溫熱到好似有40度以上，零晨落火車嘅時侯，感覺就好似-4度咁，真係好涷。(之後我發現，響沙漠入面嘅晚上，真係都無響火車站咁涷)… 日間的火車站 當然，一直等待，直到到咗可以check in嘅時間，已經又係可以食早餐嘅時間，我照舊放底咗行李響飯店之後，就去揀咗D響屋頂天台嘅餐廳食早餐，咁樣有樣唔好就係你個頭會比太陽曬住，不過，因為咁，我先可以舒舒服服望下呢度嘅風景，所以天台餐廳通常都係我嘅選擇。 呢個早餐配橙汁，不過飯店老闆私人送杯masala tea比我 ^^ 黃金沙石製成的金色城市 ~ 我揀嘅飯店都係響Jaisalmer Fort入面，食過早餐之後，我就係Jaisalmer Fort入面行下，整個fort入面都好似市集一樣，好熱鬧，而且有好多野賣，最特別就係因為呢度係沙漠之都，所以有好多駱駝皮製品買。當然，係真係假，就真係專家先知喇。 好多神象擺設，店主話係唔知咩木，得呢度先有。當然，我無聽佢吹水。 連鎖都好有特色！ 好多工藝品都好靚 >.< 真係好難忍手唔買！ 駱駝皮記事簿，我買咗好多做手信。 好靚嘅竹圖。 行咗半個上午加下午，我買咗唔少野，因為呢度D野真係幾靚，買黎做手信，收到嘅朋友一定好開心。放底咗D戰利品之後，我向fort外面進發。整個Jaisalmer，城內城大部份嘅房屋真係用黃金沙色石建成，好靚，整個城市都親托得好有美感。 呢個位又係一企咗上去差D落唔番黎，因為被當地人車輪轉咁叫我同佢地影相。 好靚嘅駱駝車，我無坐，只係影相 XD 唸個小女孩好西利，用咗唔同嘅方式去平衡行呢條繩，真係一步一驚心。 沿住fort行出去，一直各東北邊行，大約30分鐘左右，就會到達一個我睇相好靚，不過現場去到都幾多垃圾嘅湖 >.< 但… 都黎咗，就影下相啦！ 又係好多白鴿.... 呢個湖邊好多垃圾呢... ~.~ 旁晚返番黎Jaisalmer Fort入面，去咗大家都話呢度好出名嘅豪宅(當地人叫豪宅做haveli)參觀。呢度最出名嘅豪宅有5-6個，大部份都係家族以前好有錢淨落黎，但因為 後代末落，好多都已經變得十分殘舊。唯獨有幾座係仍然保存得好好，有少部份仍然有後代居住，而有幾座，就可以比人參觀，當然都要少少入場費啦 ^^ 好靚 *0* 如果我屋企都咁靚就好喇！ Haveli入面真係好靚，想像得到以前嘅印度貴族真係幾咁富貴，不論外表裝修得好靚，連入面都非常細緻。而且一定唔只三層，呢個城市嘅屋大多都係一至兩層，而haveli有3層或以上，就可以響自己屋企都可以觀望到整個城鎮嘅環境，相當有氣派！ 響豪宅樓上觀望整個金色城市，真係感覺高人一等！ 行咗成日，隻腳真係好累，而更加重要嘅係，我要為第二日嘅沙漠兩日一夜之旅做好準備，所以，要好好休息！下一篇先帶大家去沙漠啦！ fb: www.facebook.com/lifetoletgo blog: http://www.lifetoletgo.blogspot.hk
