離開咗白色城市，到達藍色地市時個天已經唔再係藍色，因為太陽已下山了，又響嗰句，放底行李之後，當然去搵野食先啦！ 第一次發現，原來Jodpur有個咁靚嘅鐘樓，之前睇過咁多個blog都無show過佢出黎，當然要同佢影番張相先啦 ~ 之後，經過當地人嘅介紹，我試咗我自己覺得係全印度最好味嘅lassi。印度出名lassi個個都知，幾乎每個地方都有其最出名嘅lassi店，但… 整個旅程入面，真係最好飲係呢杯！如果有機會再去Jodpur，我一定留番個肚，最少飲夠5杯先走！ 好鐘意呢個鍾樓，好有feel ~ 呢杯就係好好飲嘅lassi，去到一定要飲。 第二日朝早，唔知點解呢間飯店有雞啼，所以我好早就醒咗。飯店響堡壘入面，所以我去咗一間堡壘外面唔錯嘅天台飯店為自己準備一個國際級嘅早餐，哈… 即係西餐囉！呢間餐廳個環境唔錯，除咗杯masala tea好飲之外，更加可以望番入堡壘嘅境，相當吸引！名符其實，有藍色城市之稱，呢度D屋真係好藍，同個天好親！ 好天氣真係可以令到一切美境展現。 呢個就係呢度有藍色城市之稱嘅原因。 食過早餐之後，向第一個亦係唯一一個景點出發 ~ Mehrangarh Museum。整座Museum入面，首先入到去就係有D表現者為你表現，佢地係Museum嘅工作人員，當然，佢地亦都係期望表現後有你嘅金錢支持啦 ^^ 之後，就有好多古老時期印度嘅珍藏物品，好多都係貴族先可以用到，相當有貴氣！ 呢張入場卷可以作明信片之用，不過我怕寄失，都係收埋留念算！ 有特色嘅大門。 堡壘之上的城堡，令我唸起童話故事嘅美麗。 落力嘅表現者，每一次音樂完結時都會叫你比錢 XD 好靚 ～ 古代最有錢嘅，就會坐響呢個馬車箱出入。 獅子？ 個人黎講就最鐘意呢個駕座！ Museum入面仲有好多呢D特色房間。 印度有名的七彩玻璃房間。 示範了傳統的印度服飾。 等我都影番張相先。 豪宅才會出現的裝橫。 靚唔靚？ 豪宅門口。 呢隻駱駝扮得咁靚，同佢影張相啦！ 呢幾個小朋友見到外國人好似癲咗咁係咁嗌，當然 ^_^ 我完全唔明個內容係咩... 行完呢個Museum之後，原本唸住返飯店休息，不過當地人又介紹咗另一個景點叫我去下，相當之近，我決定去埋 ~ Jaswant Thada，其實，呢個係貴族先人嘅墓地，因為有錢，佢地嘅墓地都係成個城堡咁大，個後花園，仲好鬼靚！ 呢張入場卷方便你可以圈響相機。 Show again, and asking money again after the show... 成個白官咁嘅墓地。 細心睇，黑色點點全是白鴿。 後花園 ～ 坐響大理石上面，被太陽曬著都是涼涼的。 黃昏時份，由於知道自己留響Jodpur嘅時間都唔會太長，所以，我決定隻腳再累都好，都想周圍行下，感受下呢度嘅風情，然之後先知，原來佢地嘅屋唔只得藍色架 XD 好鐘意呢D小屋，給人暖暖的感覺。 最開心就係夜晚返到飯店，唔知點解好多小朋友響門口玩，佢地都好熱情。雖然語言真係溝通唔到，但對住佢地又真係好開心。不過之後飯位老闆出黎趕人，我只係靠語氣估到佢鬧緊D小朋友，唔好阻住佢地做生意之類，佢地就好唔開心咁走咗lu… 又一班熱情嘅小朋友。 下一站，要去四色城市入面我最期待嘅金色城市，唸起可以坐駱駝入沙鹿，真係咩都未做就已經開心定！所以要訓足精神！ fb: www.facebook.com/lifetoletgo blog: http://www.lifetoletgo.blogspot.hk
