黎到白色城市，第一個感覺就係好浪漫 ^^ 好舒服 ~ Udaipur有一個又美麗又平靜嘅湖，為呢度帶黎寧靜又浪漫嘅夜晚。 雖然稱唔上每家每戶，但好多建築外場都布滿呢D畫，十分有特色。 好多都畫得好靚架！ 連街嘅場身都有！ 由於時間關係，我先去咗當地嘅廟宇參觀。雖然呢度嘅廟宇唔算出名，不過，外觀同內裡結構無因為咁而草草了事架！ 其中一個小小廟宇，入面堆滿信徒。 廟宇嘅其中一部份，好靚呀。 印度嘅神聖物，適當時間有水流出，信眾會視作仙水飲用及灑在頭部以示淨身。 行行下，有個廟宇人仕指手畫腳示意叫我跟佢行，轉左轉右，入咗廟宇大樓仲要再上走，開頭都有D擔心佢會帶我去邊。不過... 我都係跟住佢行，點知，原本佢帶咗我上去廟宇嘅樓上參觀。嘩... 上到去真係另有一番景像，一黎上面無人頭湧湧，可以靜靜咁欣賞呢個地市，二黎有以下呢座... 我唔識形容，總之好靚啦！ 可能因為無人識上黎，佢保存得好好... 當然... 參觀完之後，佢問我拎tips，不過算啦... 難得個地方又真係幾特別，我打賞咗少少rupees比佢。 呢張相靚到好似執出黎咁，不過係無執過架！ 另外嘅其中一邊場身。 臨走我同呢隻聖象影咗張相。 有小朋友悉心打扮，在路上行乞。 去完廟宇，又係去醫肚嘅時間，講到食方面，響Udaipur食野有一個特別之處。當地餐廳好多都有個梳化位比你，所以都坐得好舒服架，由其由你如果選擇響湖邊樓上天台嘅露天餐廳進食，真係好好景架... 由其夜晚，有涼風，有湖景，仲有滿天嘅星星... *0* 呢間唔係華麗嘅飯店，所以張梳代先無咁靚，但響湖邊進餐，真係好正... 係咪好熟手面呢... 佢叫公司三文治，印度唔係得咖哩食架... ^~^ 醫飽肚之後，當然就要向當地最出名嘅City Palace進發啦！ 響Ciry Palace望出黎嘅白色城市 D燈好香港迪士尼feel... City Palace嘅大門 ~ 日間嘅City Palace，但我個人黎講覺得佢夜晚靚好多。 似唔似去咗羅馬呢？ 呢度好似西藏布置 ~ 細心去睇，就知幾精細喇... 透過玻璃房，變成五光十色嘅房間。 最開心嘅時刻終於來臨，頭先話過Udaipur好浪漫，浪漫... 當然少不了黃昏日落啦！我選擇咗響黃昏時段坐尾船出遊湖面，感受一下當地嘅浪漫。 船隻可以帶同你上湖中的飯店，呢間飯店真係好靚，不過... 價錢仲靚，我無幫親！ 整間島上飯店都好歐洲色彩。 白色城市 ~ 黃昏的美 ~ 之前都講過印度好多白鴿，黑色一點點就全部都係佢地。 由於當時就快Diwali，當地嘅大節，好似香港嘅新年，當地好多人都會響晚上點上好多燈光，不斷放炮長，所以有時好糟，而且，不時，仲會放上煙花。可惜，我太遲鈍了，總係捉唔到呢一幕。 到處都係燭光 當地嘅夜景 夜晚嘅City Palace，係咪靚好多呢 ^^ fb: www.facebook.com/lifetoletgo blog: http://www.lifetoletgo.blogspot.hk
