黎到我響印度嘅第三站 ～ Agra阿格拉。黎到阿格拉，通常大家第一時間都係向泰姬陵直奔，但因為我有計劃想響早上開門時份進入（因為旅行團多數下午進入，早上比較少遊人），所以黎到阿格拉嘅第一站，我就向與泰姬陵隔河相望嘅阿格拉堡進發。阿格拉堡位於泰姬陵嘅對岸，係1566年建築嘅古跡。 阿格拉火車站 阿格拉堡 每一部份都精心建造。 與泰姬陵隔河相望的阿格拉堡。 我企咗入呢度影相之後，唔知點解好多遊人都一樣企入去影 XD 內部好多地方都十分破舊，但仍十分具有味道，就好似呢個內亭一樣。 阿格拉堡主要係用紅砂石建造。 呢個池唔知當年係有咩作用架呢.... 遊人慢步阿格拉堡 呢個位其實唔比走出黎，我偷偷地走咗出黎就影咗呢張相。 每一個亭都有佢嘅名字，不過，我都係要睇水牌嘅解釋先明。 響阿格拉堡當然唔只咁少相啦，不過只可以放有限，因為太多了... 離開阿格拉堡之後，我說向清真寺步行去。 睇地圖以為好近，原來都幾遠，最後響阿格拉另一個火車站休息咗一陣。 時間關係，張相背哂光。哈... 響清真寺入面，有一段不太高興嘅經歷。一位同行者同我一齊進入清真寺，大家都已經比咗入場費同相機費，入到清真寺本樓入面，同行者想用部細相機（佢原本拎住部單反機）影下相，有位職員笑笑口過黎叫我同行者同佢影張相，同行者當然都好樂意，點知影完相之後，個職員竟然問同行者攞錢... 都算。同行者當然唔比，佢竟然係咁鬧同行者，話同行者唔啱，仲係咁趕我地走... 都算。人在外地多一事不如少一事，我地走，佢竟然響我地行咗出本樓之後，仍然繼續鬧，我開始忍無可行，唔再行，轉住面用雙眼強勵地望住佢，佢先至肯收聲。 其實，響阿格拉呢個地方，除咗響清真寺入面，整個阿格拉亦比我一個好混亂嘅感覺，可能因為泰姬陵嘅名聲，阿格拉嘅人比我感覺都好邪惡，除咗飯店同餐廳入面嘅人，我響當地未見過一個有禮貌嘅當地人，狗隻破著頭、流著血響街到處走唔會有人理。大家話印度人視牛係神聖，但我響阿格拉就親眼見到當地人無啦啦響條街度打牛甚至欺凌牛隻。總之，我好相信如何唔係我多個朋友都話“去印度如果無去泰姬陵，同無去過印度無分別”呢一句話，我唸以泰姬陵對我嘅吸引力，我根本都唔會去阿格拉呢一站。 市場入面有好多唔同嘅野買，當然，最吸引都係色彩繽紛嘅saree啦 ～ 唔好問點解！！！ 印度當地最常用嘅交通工具 ~ tuk tuk 經由響清真寺不愉快嘅經歷，我向下一站出發，就係去泰姬陵嘅對面岸，古城嘅另一邊，觀看黃昏下嘅泰姬陵 ^.^ 沿途又要途經番好濟逼嘅市場。不過，一切都係值得嘅，因為響古城嘅另一邊，可以靜靜地欣賞泰姬陵優雅嘅一面。 響對面岸欣賞泰姬陵嘅美，份外寧靜。 少少的泰姬陵在我手上 ⌒▽⌒ 你喜歡這裡嗎？ 隨著一整天的混亂，阿格拉整個地方的人、事、物都令我思緒好混亂，幸好，就響黃昏，我可以響河邊有泰姬陵陪我重整整日混亂的心靈。 fb: www.facebook.com/lifetoletgo blog: http://www.lifetoletgo.blogspot.hk
