金廟，原本係我今次印度之旅嘅第三站。不過... 基於響印度咩都有可能發生嘅意外，變咗我嘅第二站，比預期打算逗留嘅日子仲多咗添！金廟，係我今次去印度有三個地方一定要去嘅其中之一(本人響今次去印度有三個地方係一定要去！一、金廟... 二、去沙漠騎駱駝... 三、瓦拉那西)。 金廟，係錫克教徒嘅聖地，對於某D錫克教徒，一生中最大願望，就係希望可以響一生中踏入金廟，至少一次。未到達，我已經開始興奮了 ^^ Amritsar嘅機場，好細。 金廟其實一D都唔難去，唯一麻煩就係，金廟內部有某D範圍，係唔比車進入，如果唔想行或者行李太重，就可以坐大力車入去。而且，如果你坐火車去Amritsar，你更加可以響火車站對出斜對面坐suttle bus，真係免費架 >.< 不過都係嗰句，如果你帶住好多行李就難D，因為當地都好多人坐呢架車，真係要逼上車架！ 去到金廟，第一時間當然就要搵食先啦 ^0^ 我咁胃食，而且又真係肚餓嘛！ 金廟一年365日，一日24小時都會不停提供免費嘅食物，當然，都係素食黎嘅。無論你係好窮嘅庶民，小康之家嘅平民，定係有皇室身份嘅王子，黎到金廟，都一視同行。赤著腳，用頭巾包住頭髮，就可以入金廟參拜，以及24小時進食。唔好以為唔洗錢，金廟就會隨便搵野比你食飽就算，廟內每一個服務嘅人，都係真心為神而服務。由早餐有特別嘅餅乾、麥皮、奶荼提供，到下午至晚上時份亦不時有飯、咖哩豆、薄餅、更加有湯飲。真係好豐富同好好味架！ 總結，不論你係富係窮，係咩顏色，係咩宗教，金廟都一樣咁歡迎同照顧你。而且，無論你係早上，中午，黃昏，或是晚上，甚至深宵三、四點到達都好，金廟都會為你而開門。 每日要整咁多餐野食比咁多人，真係要準備好多材科架！ 真係遠距離都感受到D洋蔥... 我都喊，好配服佢地！ 我真係咁大個女第一次見咁多薯仔 ～ 大家留意佢背後，會有人派碟派餐具比你地架 ～ 睇佢個pose就知佢鐘意呢份工啦 ！ 食野嘅地方，無論你響咩人，入到金廟，都同樣平等。 我好鐘意錫克教嘅理念。佢地係和平愛好者，唔鐘意同人爭鬥，喜歡與人分享。佢地係正義之士，唔主張你爭我奪，但遇到不公平，佢地唔會坐視不理，會幫助弱者對抗欺凌嘅一方。佢地唔會分你我高低，要完成一件事，就大家一齊付出去完成，那管你是天子或是平民，一樣平等。 到咗晚上，金廟份外吸引，金碧輝煌嘅外場同內場，令人感到每一部份都係最亮麗嘅部份。金廟入面其實都係唔比影相嘅，不過 ^_^ 我又偷偷地影咗D啦！ 夜晚嘅金廟，其實響現場真係靚到唔識得點形容。 每一個角落，都表現住金廟輝煌嘅一面。 好靚 ～ 金廟附近有座大樓，簡陋嘅房間提供比黎參拜嘅人。不過，供不應求，當地人話都要兩個星期前預訂。當然，如果預訂唔到房間，信眾都係仍然會黎，咁... 就唯有用以下方法。 呢張就係訓響大樓地下嘅證劇，我咁大個女都係第一次見，真係大開眼界。 係！就係就咁訓！印度地方大，而且窮人比有錢人多，當地人出外坐火車，都係長途多。已經成為習慣，佢地會帶埋一大匹布同被訓火車用。除咗大樓地下，其實一、二、三樓嘅走廊，都訓滿人。 有人見到我係咁影相以為我係記者搵我傾計，雖然小女無能做唔成記者，不過同當地人傾計，又幾開心嘅。入夜後佢地叫我快D走，因為危險，所以我都乖乖離開了... 租唔到房間，佢地響走廊就咁就訓架喇。 大部份錫光教人都好nice。 金廟入面所有野都係免費提供，所以有善心人捐款，先可以保持運作架！ 晚上嘅金廟，令我雙眼見識咗唔少，白天，當然要繼續啦 ～ 進入金廟之路。 有心嘅教徒，清早時份就會入金廟沐浴，淨身淨心。 除咗有多個過濾器維持水質，更加每日有人清潔。 有魚架。。。 今日都我忍唔住要同金廟影番張相。 講完金廟嘅環境同食物，又講下金廟入面嘅人。可能我好彩，我所遇到嘅錫克教人，都真係好好。記得有一次，我想感受一下當地文化，就去咗搭佢地架suttle bus，當然係好多人啦，我見到大家係咁逼上去，其實，我都覺得我應該上唔到車，因為以我嘅身形，係無可能驘到佢地！企企下，就有個男人係咁望住我，我當然明白到女生去印度，就預咗會比人望，但佢嘅眼神... 我真係有D驚，隔咗一陣，佢同佢男人講咗幾句，個男人望住我，又再同佢隔離個男人講咗約句，第三個男人都望過黎，點知佢仲同再隔離個男人講咗幾句，就係咁，講下講下，排隊D男人望哂過黎... 然後... 開咗條路比我 (・ω・)ノ 原來... 因為我係女生，佢地讓路比我上車先！嗰一刻，我真係好感動，原來印度有D地方嘅男人，都好有風度。 傳統嘅錫克教徒 呢個伯伯響金廟長住，佢好好西利架，對眼已經睇唔到野，但佢咩都知，而且好平和。 忠誠嘅錫克教徒，一生當中有5樣野係會一生隨身。 1. 頭巾，佢地會將頭髮包起，盡少外露，視頭髮同鬍鬚均為身體一部份，一世都唔會剪。 2. 髮梳，因為要包頭，隨身都帶有髮梳以防不時之需。 3. 配劍，只用黎自衛同保護弱者，不過為咗方便，以家好多都以短劍代替長配劍。 4. 鐵手鈍，佢地深信鐵可以幫助淨化，所以佢地都會用鐵噐作食物的容器。 5. 佢地嘅傳統服飾，上衣要長過膝。 好多人話鍚克教徒好惡，其實，我相反我覺得佢地只係要比別人活得更要有尊嚴。佢地都好nice，但只要一到影相嘅時候，都會擺出一副 ~ I am watching you ~ 嘅樣提醒你唔好欺善怕惡而已，因為佢地唔鐘意打交，都係會保護自己同樣要保護弱者嘅鍚克教徒。如果你欺負佢地...你有咩結果都係自己攞黎... 呢個只係一個普通嘅小朋友，但從佢daddy口中得知我想影佢相，佢就即刻收起笑容，比我影出佢裝嚴嘅一面！ 其實，響金廟呢幾日，我都發住高燒，但我好開心可以留響呢個地方休息，比金廟去照顧我。金廟真係好靚，而且真係幫咗好多連食物都買唔起嘅窮人，真係造福人群。 我響Amritsar仲識到D當地人帶我周圍行，再一次證實咗印度仲有好多好人，下一篇再分享啦！ fb: www.facebook.com/lifetoletgo blog: http://www.lifetoletgo.blogspot.hk
