好多人問我ashram入面係咪好多蚊…講真，其實有，但我又唔覺得有好多 ~ 不過，我係一個好野蚊嘅人。 相反，ashram入面好多蛇蟲鼠蟻就真，呢度D蟻，成隻手指咁大隻，D四腳蛇又手掌咁大，都唔知佢地到底係食咩大。有圖有真相！ 手指咁大隻蟻，成日都陪住我食飯。 手掌咁大隻四腳蛇...呢隻已經算細。 除咗佢地，ashram仲有好多不知名嘅生物，我都唔知點幫佢地改名。哈…好多都係好彩就影到佢地相，但有更多就係你返入房拎得部相機出黎，佢地已經唔知走咗去邊。 呢隻野唔知咩黎，不過比佢咬完之後癢咗好多日 >.< 唔知咩蛙... 響ashram成個月，見過幾次蛇，不過就係每次都影唔到佢地相呢… 又係手掌咁大... 呢隻香港見得多... 但呢隻得響香港真係未見過.... 朋友睇完我D相就話，你響香港都咁怕D小昆蟲，過到去實死啦。但，相反，我響印度反而同佢地和平共處到。可能因為去到大自然地方，我覺得始終我過門都係客，話哂人地住得好地地，其實係我地呢D人類又搬埋入去打擾佢地啫。所以，我對佢地比響香港更加以禮相待。哈… 見唔見到...其實有隻細蟹打橫行緊.... 見到我無？ 影唔到蛇...影住呢個提示牌先啦！ fb: www.facebook.com/lifetoletgo blog: http://www.lifetoletgo.blogspot.hk
