今日，要講下我ashram後面嘅後小山丘 ^o^ 呢度就係我好鐘意，響ashram後山嘅小山丘喇！ 呢個小山丘，話近唔近，話遠唔遠。慢慢一步一步行上去，需要大約半小時左右，不過…如果你懷住愉快嘅心情，輕快咁行上去，其實15分鐘左右都可以到達 ^^ 由於平日響ashram嘅時間加工作已經好忙，所以除咗放假，我都唔係真係好多機會上去。不過…有時如果時間同身體許可，我都係會早D起身，或者如果黃昏堂早落堂，我都係會早D上去坐下。喺上面可以見到好靚嘅日出，日落。 日出 ~ 日落 ~ 我最鐘意就係坐響呢個位置 我好鐘意訓喺山丘上嘅草地上面，感覺泥土令背脊涼涼地嘅感覺，太陽通常都好曬，但秋風吹過會令人原諒太陽嘅過份光芒。其實唔多同學仔會行上呢個山丘，因為都要時間同真係向上行，有人話山上有蛇架，事實上都真係有，我喺ashram入面都見過，但...當你喺山丘上面訓底喺草地上面，當你咪埋眼，你就知道，唔關你事。牛隻都和諧地各自響草地上食草，嗅到大自然草嘅味道。你會感覺到，大自然中嘅一切，原來比人簡單得多，和藹得多。 我同黎自泰國嘅同學仔一齊感受大自然嘅和諧 有人話過山丘上嘅牛不要踫，因佢地唔同城市中嘅牛，唔習慣人，但有次我的確地親耳聽到隻牛越行越近，到我睜開雙眼，佢已經近到就喺我隔離，係就係我隔離食緊草，我訓喺度望住佢，嗰一刻，我希望我識講牛話。 呢隻牛就好似新娘子，打抄得好靚。 仲有黑色，好威猛。哈.... 後山丘真係好舒服，每次上到黎，都覺得係呼吸緊另一種空氣。雖然都係響同一個地球入面，但就感覺好似去咗第二個世界咁。每次黎到我都唔想坐或者企響度，因為，響香港我搵唔到一個咁好嘅地方可以比我咁樣訓響度。 背部感受住泥土嘅清涼，令我忘記要顧及上衣將會黐滿野草嘅顧慮。 響呢度，訓響度，無論向住邊一個方向角度望，都係咁舒服。望上天，係一望無制嘅藍天。清晨同旁晚上黎守候，會見到好 好靚嘅日出同日落，好靚。唔想望上天怕大陽曬，可以望下左，望下右。望下牛牛食草，望下呢度嘅草，好似普羅皇斯嘅草原咁。 雙眼想休息時，輕輕閉上雙眼，不用刻意，你便可以感受到風與風嘅追逐聲，感覺…滿和諧熱鬧的。 呢度真係好舒服 ~ Yeah ~ 坐下樹下面望上天，真係好舒服。 同多國同學仔一同組成YOGA一字 ^0^ 有時我會唸，大自然嘅一切，真係好神奇。好自然令到你感到舒適，好自然令你感到驚怕，好自然令你感到渺少，好自然令你感到快樂。一切，都在佢掌握之中。 fb: www.facebook.com/lifetoletgo blog: http://www.lifetoletgo.blogspot.hk
