響 ashram入面食野，我地都主張唔講野，唔係教你玩自閉，而係對食物嘅一種尊重，好好去味嘗每一淡味道。每一口食物，都係天上恩錫比我地嘅禮物。另一方面，亦有個機會有段時間靜靜享受和自己好好相處嘅一刻。講起黎好似好老土，不過，當人身在異地，無咗屋企人嘅照顧，每一餐，都更加顯得格外珍貴。 枱上的溫暖提示 ^ - ^ 除咗枱同櫈，其實呢度都有傳統印度人坐地下食飯嘅範圍，亦都係我多數嘅撰擇。 除咗食飯嘅時候，平日嘅你如果有邊一日想靜靜地，只會掛上呢個'silent'，大家都會好尊重你，絕對唔會打擾你。 飯堂由幾位女生為我地準備早，午，晚餐，晨早及下午茶時間仲有花茶品嚐。哈...我當然每日都唔會錯過啦！ 登登登登... 呢D就係我響ashram食嘅野喇！ 其實...真係每一餐都好正！食物名我都唔識得講哂出黎 ≧∇≦ 每人嘅味覺都唔同，有人話呢度嘅野唔好食，但我就覺得好好味！最重要嘅係，呢度嘅食物都係好新鮮，而且都係ashram嘅人唸過哂，配合埋氣候，煮比我地嘅愛心食物！ 記得黎咗一星期之後，媽咪睇到我張相，我打番黎，佢第一句就話：你唔好食到變肥婆返黎呀！...佢估唔到我去到印度，無瘦到反而肥咗，都係靠佢地咋...哈...^ - ^ fb: www.facebook.com/lifetoletgo blog: http://www.lifetoletgo.blogspot.hk
