bookmark左呢間cafe已經有一段時間, 咁岩今日一早黎開旺角呢頭, 終於食到! 剛好位於旺角及太子交界, 搭完地鐵再要行多幾分鐘路程 因為黎到岩岩開門所以可以捕捉到冇人既一刻, 不過之後都有幾枱客 裝修設計鮮明簡單, 為左避開人流所以選擇11:00黎食午飯😆 不過個人覺得枱與枱之前距離比較近, 如果假日full house會好有壓迫感 賣相都唔錯既松露油大啡菇忌廉貓耳朵 $110 見有人極力推薦所以一試, 一上枱就聞到芳香樸鼻既松露油香氣 唔好以為冇肉就會唔好食, 松露油配埋大啡菇令香味提升, 真係好夾! 有忌廉汁關係令貓耳朵好掛汁, 但食起上黎唔會覺得好膩, 真心唔錯👍🏻 呢個可以話係呢間cafe既人氣超高既野食之一, 黎呢度一定要叫返一個食 香蔥蒜蓉忌廉芝士包 $45 同我一樣鍾意食蒜蓉又鍾意食蔥既一定要叫一個黎試下 蒜蓉搽滿每一件包既邊皮, 因為係切開左再搽係入面所以出面係見唔到有蒜蓉` 顏值度高既香蒜忌廉芝士包食落外層脆身, 入面就係鬆軟既麵包質感 蒜蓉香味濃厚, 不過cream cheese既味道就唔算好突出 入口整體味道偏甜, 但我呢個蒜控表示回頭率高🤤❤️ Milky Chocolate (H) $40 因為見到有奶既關係, 叫左職員放少啲奶, 所以熱朱古力味道好濃郁! 好味 下次一定會再黎過😃 Tuned Coffee & Roastery 網址: https://s.openrice.com/QrbS00mKB00~uIL_QAw 地址: 太子洗衣街163-163A號鴻德大廈地下B號舖 電話: 23813688 -------------------------------------------------------------------------------------------------- Email for collaboration only Email : sunnie.rabbii@gmail.com IG : https://www.instagram.com/rabbiisunnie/ FB : https://www.facebook.com/rabbiisunnie YOUTUBE : https://youtube.com/channel/UC_wxuZcPVQc6a4KkPC7hPHQ BLOG : ulifestyle: https://blog.ulifestyle.com.hk/blogger/rabbiisunnie/ beautyExchange: https://www.beautyexchange.com.hk/blog/Rabbii%20Sunnie She.com : https://blog.she.com/rabbiisunnie/ Blogspot: https://rabbiisunnie.blogspot.com/ Girlssss: https://girlssss.com/author/rabbiisunnnir/
