二訪西營盤呢間小店, 半年之隔但水準依然今次換左對手, 帶左男朋友一齊黎食lunch作為一個專業級foodie應該要係度食d野打卡, 再去第二間café打間無奈既係我同男朋友兩個既戰鬥力實在太弱弱了一間就打倒左我地… 裡裡外外都有打卡位, 咁岩安排到係門口呢個靚位有日光影出黎既野食都已經好吸引叫左一個set lunch 同小食 & 甜品今日既餐湯看似好清, 但實情係用上牛肉製成既燉湯入口清純但口腔充滿著牛香味為我地既lunch帶黎首個驚喜! 帶子他他. 墨魚汁脆片. 熱情果香茅汁醒胃小食, 墨魚汁脆片好似係一去鬆脆可口既米餅咁 就咁食又得/可以拌埋帶子他他帶子他他配左熱情果香茅汁, 食落幾夾而且令帶子有提升度但香茅味就唔係幾食得到小食好少會有用帶子入饌既小食墨魚汁脆片 & 帶子他他放埋一齊食又脆又鮮感覺好奇妙~ 波士頓龍蝦藏紅花鮮茄天使麵呢個真係必點既lunch set之一! 價位雖然有點高, 但食左之後就會覺得價錢係值得半隻波士頓龍蝦肉質新鮮彈牙, 但落明顯有咀嚼感而且仲有滿滿既龍蝦膏鮮紅色既龍蝦膏味道濃郁單食又得又或者可以將龍蝦膏混埋落去藏紅花鮮茄天使麵入面食天使麵既掛汁岩岩好可以掛上每一條天使麵醬汁個人覺得濃杰度剛好而且麵仲帶有輕量彈牙唔係完全淋pat pat拌埋龍蝦膏再提升口感層次大家下次點呢個既時候都可以試下咁食! 最後叫左呢款幾有驚喜既法式焦糖燉蛋 法式焦糖燉蛋最佳食法一定要係一啖食勻晒脆身既焦糖&燉蛋呢度兩個都做得唔錯之餘, 旁邊仲有d冰左既冷凍草莓同蔓越莓等焦糖燉蛋食得多難怪會單調配埋莓類一齊食, 酸酸甜甜感中和反單調同膩既感覺真係幾有驚喜~ 下次再試下佢地其他既野食先~The Ground Kitchen網址: https://s.openrice.com/QrbS0SCm900~uIL_QAw地址: 西環西營盤水街47號地舖—————————————————-歡迎合作試用．邀稿．出席活動．化妝工作RabbiiEmail : sunnie.rabbii@gmail.comIG : rabbiisunnieFB : rabbii生活日常Openrice : Eat4forever 大眾點評 hkdianping : Eat4forever My BlogUlifestyle : rabbiisunnieShe.com : rabbiisunnieBeautyExchange : rabbiisunnieBlogspot : Rabbii生活日常Girlssss : Rabbii生活日常WeShare : Rabbii 生活日常痞客邦 : Rabbii Sunnie
