終於有人同我一齊癲一早就去尖沙咀食麵包🤣呢間大阪過江龍 - 嵜本SAKImoto bakery 具有人氣No.1吐司之選頭果一個星期見到D朋友講要等成2粒鐘先入到去果日11:00先差唔多去到, 其實都有啲驚要大排長龍等好耐不過可能最近天氣太凍關係？星期六11:00去到, 門口已經有7位客人等緊入座, 好在早果輪啲人開始走所以當日去到都係排左15分鐘就入到去真係好好彩🥰🥰🥰 呢個係門口附近放置既外賣專區, 除左有吐司(片裝)呢個櫃仲有齊佢地既果醬出售不過首50名先可以買3罐果醬, 之後光顧既客人只可以購買1罐而每位顧客每次限購「極美」,「極生」各1條（1斤） 極生 - 以北海道牛奶配搭牛油及蜂蜜配方極美 - 採用無蛋奶配方 鍾意食麵包嘅我哋揀咗「極生吐司🍞」呢款有用日本北海道鮮乳同生奶油製作每日新鮮製造吐司外層脆身但係內裡仲可以保留住濕潤感帶有麵包既綿密同一絲絲既麵包纖維食落會感覺到淡淡奶香☺️ 喺堂食當然要叫埋佢哋嘅主打果醬堂食可加配3種果醬(+$25)及牛油(+$10)已經喺圖寫晒比大家睇我同友人簡選既果醬(5💛係最推介)電器石檸檬🍋💛💛💛💛💛伯爵奶茶💛💛💛💛牛奶煉乳💛💛💛💛紅寶石玫瑰紅桑子💛💛💛💛黑芝麻珍珠💛💛💛開心果💛最推介嘅係頭四款，檸檬酸酸甜甜幾開胃伯爵奶茶同牛奶煉乳可以根據自己鍾意奶味重定茶香而選擇前者定後者紅寶石玫瑰紅桑子其實唔係好食到玫瑰香，不過紅桑子味好特出，本身中意紅桑子嘅我幾鍾意❤️ 北海道牛油 & 法國傳統牛油🧈兩款牛油都有唔同嘅香味，不過北海道牛油味奶香味比較重，法國傳統牛油就好似平時搽吐司嗰啲牛油咁，中意奶味既你就知要簡邊款喇😆 另外如果想買到原條麵包就要一早攞定籌喺返佢哋嘅出爐時間過嚟攞不過每段時間既籌號有限 好在果日攞到12:15既時間堂食食完等多一陣就有得攞❤️ 個人覺得始終帶返屋企再整吐司就少左份濕潤度堂食更加新鮮好味但原條買價錢就比較抵食😝@shokupan_sakimoto_hkSAKImoto bakery 嵜本 高級Shokupan專門店 (尖沙咀)尖沙咀廣東道3-27號海港城港威商場3樓3208號舖—————————————————-歡迎合作試用．邀稿．出席活動．化妝工作RabbiiEmail : sunnie.rabbii@gmail.comIG : rabbiisunnieFB : rabbii生活日常Openrice : Eat4forever 大眾點評 hkdianping : Eat4forever My BlogUlifestyle : rabbiisunnieShe.com : rabbiisunnieBeautyExchange : rabbiisunnieBlogspot : Rabbii生活日常Girlssss : Rabbii生活日常WeShare : Rabbii 生活日常痞客邦 : Rabbii Sunnie
