之前係instagram放左張好有聖誕氣氛嘅相詢問度極高, 唯有快啲同大家介紹!其實當日介紹既就係位於登龍街呢間pop-up store呢間期間限定店以聖誕feel示人完全估唔到依間係來自泰國嘅 "After You Dessert Cafe"雖然今次呢間期間限定店係冇得食最出名嘅刨冰, 不過依然無損佢嘅人氣!!果日係平安夜既lunch去都keep住好多人排隊~大概等左接近40分鐘先入到去 門口位置係可以賣野食既地方, 呢個位就算唔係入去食野都可以去參觀嫁再入就會見到左手邊係火爐打卡地方, 右手邊就係堂食既地方 係門口已經諗好食咩, 雖然冇刨冰, 不過呢款蜜糖吐司🍞勁有驚喜！原味蜜糖吐司🍞 $68一放上枱已經傳來陣陣蜜糖香味, 除左吐司本身帶有蜜糖之外仲有個額外糖漿比客人享用佢地用嘅糖漿好似係楓糖漿味, 香味同濃烈度爆燈🤤🤤🤤 配埋旁邊嘅cream食真係冇得輸, 個cream好細膩而且奶味重, 配埋蜜糖吐司真係perfect match另外仲有兩球呍呢拿雪糕球甜品黎講呢款都幾邪惡~$68 既原味蜜糖吐司其實比較細份，一個人食都食得晒果日同朋友淨係叫咗一份share...真係有啲後悔 另外仲叫咗抹茶拿鐵同朱古力特飲, 朱古力特飲味道偏甜, 冇乜大驚喜相反抹茶拿鐵口感順滑, 而且甜到剛好, 成杯都係綠色, 加埋啲cream成個造型勁有聖誕氣氛🎄❤️ ⚠️ 註：其實餐廳入面放滿晒枱櫈, 如果想影到火爐位置打卡就要睇吓自己彩數睇下會唔會咁岩安排到火爐前面嗰兩張枱, 如果唔係都幾難影到相😆😆😆 好在果日被安排坐呢個位置, 先可以影到幾張靚靚相❤️ 聖誕市集入面有好多款特色小食, Pancake mix、蜜糖、鹹蛋黃零食、曲奇、蛋白餅等等當中呢款沙甸魚包裝既牛奶朱古力最為吸引 𝒜𝒻𝓉𝑒𝓇 𝓎𝑜𝓊 𝒹𝑒𝓈𝓈𝑒𝓇𝓉 𝒸𝒶𝒻𝑒 期間限定店只係開到1月3號, 想去就要把握時間啦！(唔知1月3號之後又會有咩pop-up store出現呢?😆) @afteryoudessertcafehongkong@afteryoudessertcafeAfter You Dessert Cafe網址: https://s.openrice.com/QrbS0tuy500~uIL_QAw地址: 銅鑼灣登龍街Pop-up 聖誕市集—————————————————-歡迎合作試用．邀稿．出席活動．化妝工作RabbiiEmail : sunnie.rabbii@gmail.comIG : rabbiisunnieFB : rabbii生活日常Openrice : Eat4forever 大眾點評 hkdianping : Eat4forever My BlogUlifestyle : rabbiisunnieShe.com : rabbiisunnieBeautyExchange : rabbiisunnieBlogspot : Rabbii生活日常Girlssss : Rabbii生活日常WeShare : Rabbii 生活日常痞客邦 : Rabbii Sunnie
