每次黎到呢間花木都好有驚喜，除左佢地既環境令人好舒服之外，每款食物都放得好靚，感覺就好似要將野食最好既一面呈現係客人面前。本身一心過黎食佢地既打邊爐半放題，不過最後比呢個"花木秋之海蟹盛宴"吸引，每款菜色都環繞『蟹』為主，誓要將整隻一齊食落肚~ 先來一客北海道雪場蟹肉刺身，因為係二人前關係所以每款嘢食都會有兩set，蟹肉嘅外層應該用熱水浸過，所以呈現鮮橙色，但食落去嘅口感其實係刺身蟹肉，味道鮮甜可口，沾上少量蟹醋，提升口感層次。 冰鎮香醋松葉蟹，一睇蟹腳嘅外型就知道同頭先個款好唔同，呢款係熟食蟹腳同蟹身，松葉蟹腳幾厚肉，而且職員更加會好貼心地將蟹殼剪好，令到大家食起上嚟比較方便！ 海膽蟹膏甲羅燒，食完蟹腳同蟹肉，又點可以留咗蟹蓋呢？呢個蟹蓋除咗底層有滿滿蟹膏，同埋有少量菇菌同芝士放咗喺中間，除此之外仲有蟹肉，蟹子，以及海膽！ 海膽新鮮而且味道濃郁，雖然係一個小小嘅蟹蓋，但係所有嘅食材各自有各自嘅鮮甜味道，真係相當有驚喜！最鍾意佢以蠟燭座熱，提升蟹膏既香濃味，而且內含嘅芝士更加平拉絲狀態，感覺超治癒 海蟹天婦羅，有別於一般嘅天婦羅，用上新鮮海蟹肉，在炸成天婦羅，沾上蘿蔔蓉以及天婦羅的醬汁，解一解油膩感覺，整體都不錯。 除此之外仲有一個暖胃嘅茶碗蒸，唔好睇小呢一碗細細的茶碗蒸，用了亦相當豐富，放咗好多蟹肉喺入邊，最鍾意茶碗蒸嘅蒸蛋，口感滑滑的 雖然食左好多款嘢食，不過仲未完嫁！而家介紹嘅係海蟹窩物，其實即係素菜火鍋，鮮甜新鮮嘅菜以及蟹腳係湯底上煮熟。除咗蟹鉗之外入邊都仲有兩款蟹腳，已經幫忙剪好蟹殼，所以好輕易我可以食到，真係好貼心嘅服務 其實食到呢個時候我已經相當之飽！可能對於胃口比較細嘅我份量就比較多。 其實花木我已經食過好幾次，每一次嚟呢度都好有驚喜，今次呢個海蟹箱押壽司有別於上次食過嘅手額壽司，以箱押認識製作而成，所以成形就係長方形，見唔見到外層既蟹肉絲？除咗上邊果層，其實中間仲有無數嘅蟹肉絲夾雜住，因為返嘅比例相對比較少，所以用筷子夾就會比較容易散，所以盡量唔好斯斯文文食，最好一啖食晒落口！ 蟹肉絲相對地冇之前食開個幾款蟹腳咁鮮甜，所以個人建議加上山葵以醬油提鮮，左手邊嘅壽司最特別係上邊嘅蟹膏，香濃味道比起頭先食嘅蟹蓋蓋更加濃郁香滑，食到呢度肚子已經相當滿足 雖然個肚已經好滿足，不過都唔可以唔食呢度嘅甜品架！呢度嘅甜品我覺得最出色嘅係呢款外型比較普通嘅奶凍，奶凍好似採用超濃縮牛奶製作而成咁，食落口味道濃郁而且口感極之細滑，每次食呢個甜品都一試難忘，今次嘅奶凍更加加入左抺茶係上面，令到食起上嚟多咗一重口感。 每次黎花木食飯都相當有驚喜，今次食呢個全蟹宴完全豐富我味蕾！雖然份量個人覺得有點多，但係真係不妨一試 花木日本料理 網址: https://s.openrice.com/QrbS0iU8800~d4x7DTLCc 地址: 尖沙咀天文台道8號3樓2號舖 電話: 26179222 —————————————————- 歡迎合作試用．邀稿．出席活動．化妝工作 Rabbii Email : sunnie.rabbii@gmail.com IG : rabbiisunnie FB : rabbii生活日常 Openrice : Eat4forever 大眾點評 hkdianping : Eat4forever My Blog Ulifestyle : rabbiisunnie BeautyExchange : rabbiisunnie Blogspot : Rabbii生活日常 Girlssss : Rabbii生活日常 WeShare : Rabbii 生活日常
