試問有邊個女仔對粉紅色唔會心動? 我係一個好鍾意粉紅色嘅女仔,而家香港嘅餐廳設計裝修都好靚,好適合食飯之餘仲有影相打卡,呢間位於K11 Musea 嘅 Camellia,一開已經好想過嚟試吓,最近終於有機會試到啦! 點擊圖片放大 Camellia 都以粉紅色設計為主題,幫襯嘅主要都係女性為主,不過都會例外,當中亦有情侶一對對,我同男朋友就係其中一對。 餐廳其中有一個位置更有一幅大大玫瑰花牆, 打厄影相勁靚! 晚餐方面價錢屬中位,叫咗兩個主食以及一個飲品 先來一杯紙醉金迷,以菠蘿及芒果製成嘅乳酪飲品,味道酸酸甜甜,味道唔錯!不過因為以乳酪製成關係,喜歡飲品就未必有解渴之用 海膽薏米意大利飯,少有嘅意大利飯係以薏米做主食,非平時嘅薏米質感,反而帶有口感,海膽完全沒有腥味,不過個人覺得海膽份量比較少,如果可以多番啲就更好了! 慢煮和牛牛小排,賣相幾吸引!不過相對地份量有點小,不過我同男朋友嘅胃口唔算太大,對我地來講可以接受。小牛排忟煮時間都幾長,因為食落十分入味軟熟,最特別嘅係下邊配上並非薯蓉,而係粟米蓉,感覺都幾特別 本身仲想叫埋甜品,不過胃口已經放唔落了!唯有下次再過嚟試吓佢哋嘅甜品啦 Camellia 網址: https://s.openrice.com/QrbS0KCa900~uIL_QAw 地址: 尖沙咀梳士巴利道18號Victoria Dockside K11 Musea 地下033號舖 電話: 28852320 https://www.facebook.com/camelliahongkong/ https://www.instagram.com/camelliahongkong/ —————————————————- 歡迎合作試用.邀稿.出席活動.化妝工作 Rabbii Email : sunnie.rabbii@gmail.com IG : rabbiisunnie FB : rabbii生活日常 U Travel : rabbiisunnie BeautyExchange : rabbiisunnie Blogspot : Rabbii生活日常