芒果慕絲蛋糕 口感似滑布丁 點擊圖片放大 需要的芒果 呂芒果: 3-4個(做蛋糕體及鏡面及芒果粒粒) 先切好的芒果肉, 粒粒待用... (1) 餅底材料及做法: oreo餅(不要中間白色cream): 100g 無鹽牛油: 40g (切小粒, 座一陣熱水, 等佢有少少溶) 餅底做法: 先將oreo餅, 放在研磨機內, 分次放入, 打成粉, 取起. 放入溶溶地既牛油, 用鐵匙壓幾下 放入已包好的方形/圓形模上, 平勻地壓平和實, 放入雪櫃半小時 (請先將模, 底部包上保解紙, 再包上錫紙), 再用硬底托托住 (2) 做慕絲體材料和做法: 芒果泥: 250g 魚膠粉: 20g 糖: 60g 熱水: 50g 淡忌廉: 200g 先切好的芒果, 放入廚師機的攪拌機內, 磅250g芒果, 魚膠粉先放入小碗內, 加入熱水攪至溶, 再加入糖至溶, 過篩後..... 將魚膠水放入攪拌機和芒果一起, 攪成泥, 待用. 淡忌廉, 放入廚師機內, 快速打成cream狀. (這個打忌廉需在旁看住, 因打過龍會變水) 將打好的忌廉 放入芒果魚膠泥液攪至混合 半小時後, 將1的餅底取出, 倒入忌廉液. 試味... (3) 做鏡面做法: 芒果泥: 3大匙 熱水: 70g 魚膠粉: 4g 先將魚膠水放入小碗內, 加入熱水攪至溶後, 芒果肉放入攪拌機內, 加入魚膠水, 快速打至芒果啫喱水 3小時後, 將芒果粒粒平均放上慕絲體面, 再倒入芒果啫喱水 雪過夜 (4) 脫膜: 取起保鮮紙和托, 用刀在邊界開, 取出, 放上紙托上便可.
