話晒有14日無得外食晚餐，點都要揀一間有情調少少，坐得舒服，食得開心嘅💗知道𝙂𝙧𝙞𝙡𝙡 𝙏𝙖𝙟𝙞𝙢𝙖𝙮𝙖有期間限定special menu，今次就book枱試下佢嘅冬季主題。點擊圖片放大 【自家製粟米湯 伴 香煎鵝肝 】香煎鵝肝食得多，配合粟米湯竟有一番新味覺！首先粟米湯夠濃稠，香煎了的鵝肝落入其中，出奇地比平時更鮮味，口感更嫩滑！ 【凱撒沙律配烤雞】我每次去試新餐廳都必會柯打嘅食物，因為沙律醬好唔好食，真係好睇每間餐廳醬汁調配。而今次呢個沙律我可以俾到90分，沙律醬味道適中，烤雞肉夠嫩唔乾！👍🏻👍🏻 【紅醬意大利麵 配 蟹肉蟹籽】扁意粉軟硬適中，口感煙靭有彈性，蟹肉蟹籽相當充足，足夠每一啖都能吃到滿滿的蟹肉蟹籽味，配上紅醬是蟹控必然之選！👏🏼👏🏼點擊圖片放大 【日本產黑毛和牛漢堡扒配Taleggio軟芝士】日本黑毛和牛係餐廳賣點，作為漢堡扒口感蓬鬆柔軟、多汁鮮嫩，絕對不比牛扒遜色，而且勁有厚度。亮點在於waiter 在我面前倒上Taleggio 軟芝士，Taleggio是一種典型優質芝士，平時餐前小食配蘋果試得多，今次用在加熱的牛肉上是第一次✨✨自然融化的Taleggio芝士令牛肉更為香嫩，而且降低芝士濃厚氣味的衝擊，記得食用時連配菜洋蔥下一齊食，更能帶出肉質的層次感。 【慢煮紅酒燴香梨 伴 雲呢拿雪糕】以紅酒燴的香梨作甜品，入口即令人「嘩」一聲，紅酒味道啱啱好，打聽下原來香梨用紅酒浸泡一晚，加上玉桂的味道，好有一種飲緊mulled wine的感覺，好香甜!!!! 加上超軟滑的雲呢嗱雪糕，兩者實在配合得天衣無縫😍✨💗環境✨✨✨✨✨坐位夠寬敞，坐得好舒服，枱面夠大、一張4人枱其實夠6-8共享，唔怕坐得逼夾。服務✨✨✨✨✨侍應好樂意介紹每一道菜式，令人不單止享受到品質，更知道廚師的心思！整體✨✨✨✨✨➡️ 提提你，雖然而家6點後無晚市，但佢地仍然會喺6點前營業㗎，而且Happy Hour仲有買一送二😉➡️同埋幾飽都好，記得食個甜品呀！🍧🍨🍮🍰🧁 𝙂𝙧𝙞𝙡𝙡 𝙏𝙖𝙟𝙞𝙢𝙖𝙮𝙖IG: @grill_tajimaya📍灣仔港灣道30號新鴻基中心2樓2A-1號舖☎️2838997============================QueenBInstagram: https://www.instagram.com/pheebsfung/Facebook: https://www.facebook.com/FungPhoebe Blog: https://blog.ulifestyle.com.hk/queenbland============================
