第18週開始,bb大得好快,隨住個肚越來越大,夜晚訓覺腳抽筋嘅情況&四肢嘅水腫都越來越嚴重。有時個人又會腰酸背痛到訓唔到,攰到個人成日都好想發脾氣(諗諗下我老公都幾慘...),但又驚會影響到bb,唯有不斷叫自己冷靜,搞到精神&個身都好緊繃。好彩我有個好老公,雖然佢好想幫我按,但佢平時都係粗手粗腳果d人,我自己都驚驚地唔係講笑。於是乎佢幫我上網睇咗好多媽媽分享,然之後幫我book咗purepxxx俾我試孕婦按摩。上到去第一個感覺就係好靜,我超級驚佢哋一上黎就會sell我買療程。但個按摩師性格都幾爽快,等我去個廁所佢就帶我入房了,好快我都換完衫訓低咗了。 張床好得意,係有個窿俾我塞個肚落去,就可以趴喺度按到背脊。因為我本身比較受力,所以按嘅過程中不斷叫個按摩師大力d,但佢都係維持比較輕柔嘅力道同埋有同我解釋,我先知,原來孕婦係有好多穴位都唔按得,同埋力道要掌握得非常小心,如果唔係就有機會引發宮縮問題甚至早產。所以全程佢都無掂我個肚、腳掌等位置。按完我個人真係有鬆咗d嘅感覺,同埋唔知係咪心理作用,個人都無咁水腫。對比其他美容院,老老實實,呢間我覺得已經唔算係太hardsell,至少按摩嘅過程中係完全唔會sell,但最尾俾個顧問講兩講,我都係防守唔住-.-買咗12次療程有個7折仲送咗兩次俾我,圍返開3xx一次。等我按多幾次再同大家分享個效果如何啦~