5月初既時候，我同伴旅2人咩住大背囊遊走秘魯、進化島同亞馬遜森林。事前，我地做足功課，收集左好多資料，但因為好少人會分享一d比較詳細既資訊，所以去到發現有好多甩漏。而希望寫呢個Blog可以幫到將會去既旅行者！ 第二站：進化島 (San Cristobal, Santa Cruz, Isabela) Santa Cruz 迷你的魚市場。 行完馬丘比丘之後，我地轉場去到進化島，一共8日。基於金錢及時間上既限制，我地只係去左3個比較出名既島—San Cristobal, Santa Cruz and Isabela。 San Cristobal (發展中) 個樣咁得意，但把聲就…反差萌~ 逗留日數：1日 雖然San Cristobal比其餘個兩個島仲要細，但我可以寫包單，最多海獅既島一定係San Cristobal，每個沙灘都佈滿海獅既足跡，最令人估唔到既係，原來佢地既叫聲係咁難聽！仲有，呢到居然可以食到燒雞翼！係我最想食既時候，咁都比我搵到，我果然係上天眷顧的小孩~ Santa Cruz (已發展) 咩姿勢？ 逗留日數：4日 Santa Cruz比人既感覺似番d城市，成條大街都係手信店為主，食物種類都比較多。4日當中，我地Join一個全日觀光團+一個半日觀鳥團。除此之外，我地都去左呢到好著名既沙灘—Tortuga Bay，水清沙幼，就好似世外桃源。*聽聞最出名係睇日出*。而全世界最長命既龜亦都可以係呢到既博物館搵到，其實呢到d龜都幾出名，大大隻，好彩既話可以睇到龜龜成人18禁，睇到都覺得佢辛苦。 Tortuga Bay日出。 島上既蜥蜴好似比人點左穴，吾會郁。 Isabela(待發展) 我估係咁多個島獨有既Flamingo。 逗留日數：3日 Isabela係3個島之中規模最小既島，餐廳應該10隻手指數得哂，不過，令我地最難忘偏偏係呢個島。我地同樣都係Join一個全日團+一個半日團，兩個團都主要以浮潛為主。對於浮潛，我地都係0經驗，但其實唔係好難，最難只係要落水個刻，因為d海水真係好凍，而我地又蠢無買到潛水衣，所以游左一陣就好想上番水。浮潛當中，我地可以見到海龜、唔食人既鯊魚、海馬、海星……仲有機會同海獅游水！曾經就有隻海獅游到我面前，個時幾驚佢想撞落我到，驚嚇完先識得開心。溫馨提提，呢到既餐廳相當有人性，佢地會有$8美金套餐，雖說不上豐富，但對窮遊者已經好心足。 其實佢係一隻企鵝。 點解你地可以咁歎？ 呢到既藍腳雀都好出名，隻腳真係好靚！行路個時超可愛！ 重要提示：防曬一定要SPF50度以上！(SPF30好易黑)；無論陸上或者上水之後都一定要補番防曬！(我地無擦防曬幾個字已經曬傷甩皮)；帶定支蘆薈Gel以防萬一！搭船最好坐船尾！(因為快船好有離心離，如果你唔想玩2個鐘頭過山車，就要識得揀位啦~)；浮潛記得買潛水衣同潛水鏡！(有部份公司可借，但衛生問題…自己諗啦~)；香港去厄瓜多爾無需簽證 去完進化島玩浮潛真係好難番到轉頭，一生人有幾可可以同海獅游水。我愛進化島！我愛海獅！我愛藍腳雀！不過，玩之前之後真係記得擦番防曬，唔係就真係要留番d死皮係到做留念架啦~ *聽聞資訊由伴旅口中所提供* 完！
