5月初既時候，我同伴旅2人咩住大背囊遊走秘魯、進化島同亞馬遜森林。事前，我地做足功課，收集左好多資料，但因為好少人會分享一d比較詳細既資訊，所以去到發現有好多甩漏。而希望寫呢個Blog可以幫到將會去既旅行者！ 第一站：馬丘比丘 羊駝呀！ 我地係5月8至12日Join左一個5日馬丘比丘行山團，*聽聞5月係行馬丘比丘既好季節*，的確，我地行足5日，只有遇過一、兩場過雲雨。首先簡單介紹一下我地所行既路線： 紅點為當日Camp Site。 1st DAY：朝早4點開始搭車去起點，行大約2-3小時 (上斜+平路)就到當日既Camp Site。食完Lunch之後，再行上大約4200 mt既山 (上斜+回程落斜)，主要上去睇一個好著名既湖—Humantay Lake。即日可以感受到高山症+上山既辛苦，小小建議：如果第一日行上個湖已經覺得好辛苦，強烈建議第2日騎驢上山。 衣著：保暖衣+保暖外套 住宿：就算係密封室內都係超級凍，可沖涼 ($)，廁所整潔！ 1st DAY Camp Site，夜晚好多星星！ 2nd DAY：(前段最辛苦上斜+後段無止境落斜)基於本人係0運動，加上第一日我係行到死狗咁，連導遊都游說我好幾次叫我唔好行，所以我做出一個造福其他團友既決定—騎驢 (約120 Soles)。當時導遊問我想遲半個鐘直接由Camp Site出發，定係邊行邊等馬伕準備，為左自己唔會因為Dum低伴旅而內疚，我決定邊行邊等。誰不知，上左幾個字斜，高山症愈黎愈嚴重，呼吸困難加上胃痛，個導遊見我唔對路，就叫我坐低吸氧氣樽。之後無耐，馬伕到左，我就輕輕鬆鬆上山了~ 衣著：(P.S. 上山會熱)普通T-Shirt+外套+帽+(如騎驢：保暖衣+保暖外套+手襪+頸巾) 住宿：晚上會偏凍，可沖涼 ($+只是暖水，不要期望太大)，男女廁各Only 1，頗多小昆蟲。 無騎過都唔洗怕，好Easy。 3rd DAY：頭半日大部份平路，行半日就到左Camp Site。後半日係輕鬆自費活動—浸溫泉(約10 Soles@1)+飛天(約100 Soles@1)，我地只係去左浸溫泉。P.S. 與眾多昆蟲屍溫泉 衣著：普通T-Shirt裝+泳衣(如浸溫泉) 住宿：溫度適中，如浸溫泉可沖個凍水涼，廁所一般。 4th DAY：頭半日係上山加落山，因為比個導遊嚇一嚇話落山唔易落，我又自己走去搭車了~(40 Soles)，後半日就係行火車路軌。 衣著：普通T-Shirt裝+雨褸 住宿：小酒店 5th DAY：朝早5點出發行1700幾級樓梯，以我「超勁」腳力+「超強」肺量，花左一個鐘就上到山了！P.S. 導遊話平均45分鐘上到山。除左行樓梯，都有搭巴士既選擇 (約80 Soles來回)。 衣著：普通T-Shirt裝 住宿：番歸訓靚覺，沖靚涼~ 係馬丘比丘呀！ 自小沈醉於宮崎駿天空之城既世界。 溫馨提示：防曬是必要的；記得唱定秘魯幣 (美金會有d蝕)；行山公司會比一個大袋你裝野，幫你咩上山 (我個間無限制幾多kg)；建議帶即棄/可棄既內衣；不建議自行帶睡袋 (重+唔夠暖)；建議帶暖包 (第一晚)；如有潔癖既女士，建議淘一個女性站立廁所神器 (無論山上廁所及荒野中都適用)；事前可以去衞生署旅遊健康服務睇醫生，買定高山藥；香港護照去秘魯無需簽證 雖然自己唔能夠真正完成成個馬丘比丘之旅有少少遺憾，但行山始終都要量力而為既*v*。如果你平時唔係做開運動，又或者都係被迫陪同伴旅行山，唔洗驚！有車搭！有驢騎！ *聽聞資訊由伴旅口中所提供* 無論上山落山，多謝你一直都拖住我*m* 完!
