今日我去「629雞蛋仔」找新哥, 因為前幾日新哥說:「嚟緊冬天, 我會有新嘢, 栗子雞蛋仔, 有冇興趣嚟試下」, (正喎!!我完全搵唔到理由唔嚟) 去到新蒲崗, 新哥如常雙手四爐, 不停反雞蛋仔, 塗格仔餅...新哥:「不過今日D栗子唔靚, 可能出來效果未必好. 正式推出時, 我會自己係屋企準備好晒D栗子, 所以真係每日唔會有好多底」 新哥以純熟刀法, 將菠蘿切粒粒...其間有熟客問:「喂!乜你有香蕉, 菠蘿雞蛋仔架...整底嚟啦...」, 新哥指住我:「梗係無啦...佢叫我整畀佢試咋, 我唔會整咁多味, 未辛苦過咩」(今次辛苦晒新哥) 菠蘿粒粒放入雞蛋模中加熱, 但就沒有注入蛋漿...新哥:「菠蘿太濕, 要焗一陣, 走晒啲水先得...」(哦!又學到嘢啦今次) 我問新哥:「你最鍾意食咩餡料? 」, 新哥:「粟米, 好夾..不過你唔會鍾意食...(你點知?)...一睇就知你鍾意食濃味啦」(你真係了解我喎) 全文內容+ Video 請繼續瀏覽 : http://dayanlife.blogspot.hk/2015/10/vs-629.html 629雞蛋仔 新蒲崗康強街28號康景商場地下28J舖 大仁生活facebook
