自從上次TOY SWAP DAY, 阿囝換了把激光劍之後, 這位粗魯武士不停在家中亂武, 我不知幾驚. 阿囝曾經問我:「E把劍係邊個超人用架?」我答:「唔係超人, 係StarWars入面啲人用...」(我正準備解釋StarWars...) 阿囝忽然好大聲:「哦!上次葵芳地鐵站有一個黑色, 好多白色人個展覽呀?」(上年暑假新都會個展覽都仲記得??...點解有時問你上個月啲嘢又會唔記得呢?) 其實我不是《星戰》迷, 但我愛集郵, 可以和Darth Vader合照, 無理由不幫阿囝報名,「武士學堂」對付黑武士呀! 對不起...我們又遲到, 所以小武士已經穿好戰袍, 阿囝你要快快加入戰場喇. 絕地武士先教大家如何揮劍及收劍...我聽到後面有人說:「乜唔係會發光嘅咩??」(係喎...可能係小朋友版本, 所以無光掛!) 之後武士慢動作教小朋友5招, 打左, 打右, 打腳, 避後, 打頭...(當中有啲10歲大的小朋友, 似嫌太輕而易舉咁...) 練習完後, 終於到全場大人最期待的白兵及Darth Vader出場啦!! Yeah!! (不過..我偷望到有小朋友開始驚喎...) 我最初估計大家會在一樓的冷氣間進行「特訓」, 不過, 因為被玩轉腦友記霸了靚位, 所以, 我們在地面位置, 好彩大會也找來多部大風機. (超怕熱的我, 15分鐘正正就企在大風機前, 都算透心涼) 黑武士最辛苦, 又頭盔, 又裝甲, 熱辣辣, 肯定好焗...還要遂一與12位小武士對決, 看來要當一位武士, 絶不容易. 阿囝玩完, 當然就是我最期待的一刻...哈哈...我的集郵時間...好嘢!! (如果可以, 我想單獨與Darth Vader影...點解佢哋把劍識發光嘅?) 事後我問阿囝: 「黑武士有冇同你講嘢呀??」阿囝:「梗係無啦...佢對付我呀!」 我以為黑武士會跟足電影橋段說:『I AM YOUR FATHER』..(嘩!如果我可以同Darth Vader對打, 之後佢咁同我講...嘩!!真係正爆囉) 大仁生活facebook http://dayanlife.blogspot.hk/2015/07/i-am-your-fatherdarth-vader-times-square.html
