故事的前身...4月頭與悅家吃畢Hello Kitty中餐後, 根本不夠飽, 於是便走到文英街食點心醫肚, 朋友說:「點解你求其用手機影就算??」(唔通...食大家樂都影咩?) 普普通通的點心, 我真的找不到任何賣點, 因為現在新興點心店, 可能較759更多, 濫得緊要. 不過, 這裡有位好有心的店長, 她看到兩位小朋友悶悶不樂, 於是上前問:「小朋友, 不如姐姐變魔術你哋睇好唔好呀!」(免費睇表演, 大朋友都話好啦) 一行六人, 12隻眼睛, 望實阿珠明明將紅心5啤牌, 搖搖晃晃之後, 啤牌就變成紅心A. (哈!哈!笑容滿面的阿珠非常努力表演) 完全沒有想過, 吃點心也可以吃得如此開心.(大人拍掌:好嘢!好嘢!..小朋友反而...呆在當前, 或者阿珠變得太快, 所以他們好像不明所以) 阿珠走到極度迷茫的阿囝身邊:「你係米唔明姐姐做咩呢?姐姐靚雞雞再變多一次你睇啦」如是者迷茫的阿囝繼續迷迷茫茫... 被變得無奈的阿珠竟然手持一碟馬豆糕來:「唔緊要啦, 姐姐請你食, 唔好咁迷芒喇」...臨走前, 我跟阿珠說:「我下次嚟你再變其他魔術我哋睇啦!!」她點點頭答:「好呀!拜拜」 前事完~ 上星期, 睇魔術的心又再來, 於是一家三口又去找阿珠, 不過, 今日阿珠很忙, 因為舖頭找來攝影師拍照廣告硬照, 她要招呼他們. (乜你哋新開嘅咩? )阿珠:「唔係呀!開咗5年, 不過老闆想宣傳, 同埋遲啲我哋會搬過對面, 以前堂記腸粉嗰位...」(話時話堂記執咗幾耐?) 阿珠想了一回:「半年左右, 個老闆之前走過嚟講笑話搵夠唔做喎...」(嘩!原來拉腸粉咁好搵??我都要走去深水埗搵腸粉大皇教下我啦) (阿珠!我哋想睇新魔術得唔得呢?)阿珠:「哎呀!近排無再練新魔術啦...我舊嗰幅啤牌都唔見埋, 唔好意思呀」(失望MODE) 轉頭阿珠又拿來豆漿, 及馬豆糕來:「小朋友, 姐姐令你失望好唔好意思, 我請你食啦...姐姐應承你有時間再練其他魔術, 下次嚟變你睇」(你唔好呃我呀!!) 這位店員絶對是非常好的公關, 所以我決定特別在平凡的點心中, 介紹一下最不平凡的「真正菠蘿包」. 一個真正有菠蘿肉的菠蘿包, 至於好不好食...因為有阿珠, 所以不錯. (好多時食嘢, 都係食感情啦, 阿媽整嘅飯盒未必最好食, 但有愛心麻) 全文請繼續瀏覽: http://dayanlife.blogspot.hk/2015/06/blog-post_30.html 大仁生活facebook
