「黔館」老闆Clio請我到她開業近半年的菜館試食...我:「吓?? 我係一個不能辣的大仁, 只能派阿太代勞咋喎」 Clio聽到後回答:「放心! 唔係樣樣都辣嘅, 我哋起碼有6-7樣嘢唔辣㗎!」(譚仔的十小辣我都辣到跳舞㗎!!) 家鄉貴州的Clio, 當年來港念中四, 所以能操一口流利廣東話, 早兩年畢業, 當了半年銀行, 還是想創業, 本來打算回鄉下賣漢堡包, 最後還是留港賣家鄉菜. 前菜有三款, 而Clio最愛的就是涼拌折耳根, 她說:「折耳根太有代表性, 我哋鄉下餐餐飯都見到佢, 平時我哋炒, 今日就涼拌」 (嘩! 我咬了一啖折耳根, 辣到叫阿媽...不過, 點解阿太又食到津津有味呢?) 唯一標榜不辣的前菜是炸酥肉, 五花腩好食, 又有少少似炸魚皮, 本來感覺不錯!! 但多咬兩口, 發現口腔開始麻. Clio說:「這個唔辣, 平時我哋放地道程度的勁麻, 今日對你, 所以係輕手晒」(可能係所謂BB程度, 所以SY同我都接受到...係要飲多兩杯水囉) 如果這盤辣椒併盤用來玩俄羅斯輪盤, 我一定未玩已經暈低, 原來Clio媽媽在店內充當顧問, 這碟「俄羅斯輪盤辣油」就是出自伯母手. Clio說:「《老干媽》係好出名嘅「油辣椒」牌子, 當年我去外國讀書, 一見到《老干媽》開心到癲咗, 好有返到屋企感覺」(梗係啦!! 你連多士都要查油辣椒嘅...嚇死我) 如同春卷一樣的絲娃娃, 哈!!真是唯一完全不含辣椒元素的小吃. (因為我沒有點蘸水呀!). 每卷包著蘿蔔絲, 青瓜絲, 篙筍絲, 黔麵及油渣, 正正因為我沒有配味汁, 所以真的非常淡口. 今日最精彩一定是火焰牛肉, 因為店員會於上枱時現場點火, 三色椒配肥牛再加上熊熊聖火, 紅紅綠綠的衝擊下, 未食已經覺得好好玩. 加上所有餡料盛在鐵網上, 十足似韓燒一樣, (不過今日D火唔夠大...如果火力可以勁一倍, 應該會更精彩) 燒完的肥牛惹味到不得, 我根本不用再配她們自製的麻辣淡燙辣椒,阿太邊食邊說:「你試點啦, 唔係好辣咋, 仲好食添」(唔辣...你玩我咩??你出晒汗呀) 今日阿太大讚原條烏江魚放湯的「酸湯魚」, 她一邊抺汗一邊吃魚:「好滑啲肉 (我睇妳個樣...好辣下喎), 你唔混埋啲泡椒就唔辣啦」 可能吃慣辣的人, 會當普通番茄豬骨湯來飲, 不過我飲完兩口, 還是要飲茶來解辣, (話時話, 原來烏江魚肉出奇地滑, 如果E個係鴛鴦湯底, 你話幾好呢) 豆腐花豆漿刀削麵, 是全天然, 沒有放任何調味, 簡直健康到不得了, 所以就算不能辣的我, 亦放了兩滴油辣椒在內.(我懷疑我條脷一次過, 食咗十年嘅麻辣份量...麻木) 最後金字塔醃菜脆哨炒飯, 真的全場唯一不用配辣的食物, 苗族式炒飯, 味道加入了醃菜及脆哨, 零捨不同. (食慣揚州炒飯, 下次點貴州炒飯啦...完全唔辣...啱晒我) 原來全港有15萬貴州人, (嘩!乜有咁多咩?), 我說只做同鄉生意已經足夠吧!! Clio笑笑口:「唔得...我都想多D香港認識我哋黔菜麻」 我看中了Clio的珍藏, Kaws與軒尼斯合作出過一支酒喎...(我好想要呀..點解我7年前唔知架??), 現在已經被炒$3000以上啦 Clio家中有20隻1000%Be@rbrick, 她說:「遲D我會擺多Kaws出嚟, E隻因為紅色襯食辣嘢麻」(下次黔館擺20隻1000%的話, 記得Call我嚟食同影相呀!!) 臨走前, 與裝扮成為苗族人的德國總理, 及英國王妃合照...Clio說:「本來仲有個奧巴馬, 不過畀人劃花咗, 所以就要撕走囉」 (SY話驚, 所以唔敢一個人影, 連我抱住都緊張到連我件衫都拉歪晒...公仔都驚??唔係呀!) PS:一定要大讚這裡的「苦丁茶」, 又甘又醇, 如果下次加冰一定是最高享受. 大仁生活facebook http://dayanlife.blogspot.hk/2015/05/blog-post_24.html
