話說, 某晚經過荔枝角道, 眼尾看到本來租DVD店及廚具用品店被人打通了...轉為一間似賣珍珠奶茶的店舖, 心想:「乜珍珠奶茶咁好賣咩? 仲要打通兩個舖位??」 當晚趕時間回家, 沒有走過對面馬路, 上星期三百無聊賴, 特別走過去看看那綠綠白白的店, 有沒有值得介紹的地方. 哦!! 原來這是吃台灣甜品的, 店名直接用甜品「黑丸嫩仙草」命名, 店員告知, 店舖年初已經開業. (哦!! 原來我從前日日走過的街, 已經有4個月沒有再經過??) 第一次吃芋圓,蕃薯圓是去年荔枝角程班長的時候, 特別難忘甜品的味道, 不排除80%是因為當日店員的親切及笑容...(愈講愈掛住, 搵日要去程班長再食過先得) 今日我問店員有沒有推介? 阿耀:「黑丸嫩仙草」係招牌...最多人叫.」(哦!!好呀!!) 我們稱涼粉, 台灣叫仙草, 阿耀一推開雪櫃, 便幫我盛了半個紙碗仙草. 再加入芋Q、金薯、紅豆、珍珠及鮮奶. 其實這款台灣甜品也不錯, 起碼沒有冰, 最討厭加冰的甜品. (不過老實講, 除了價錢, 我都唔係點識分涼粉同龜靈膏) 如果堂食可以轉回玻璃碗碟, 感覺較即用即棄餐具好, 當然, 現在阿耀及阿欣可以省卻不少洗碗工序, 但我坐在店內吃, 紙碗膠羹好似浪費了如此昂貴的舖租, 索性只租一個單位, 設吧枱自閉位不是更好嗎? 欣說, 除了芋Q, 金薯外, 其餘全部也是台灣直送過來的, 「所以我同阿耀, 每日要搓大約11條芋Q, 同金薯㗎」, 阿耀說他愛大芋圓, 而欣則說:「因為我對芋頭敏感, 所以唔食得」(老闆一定好鍾意你...因為唔駛蝕畀妳) 芋Q咬口很犀利, 不過咬來咬去也只有輕微的芋頭味, 可能內裡加入少少餡料會更好, 上次芋圓配紅色沙, 感覺好吃一點喎. 今日很奇怪, 坐了20分鐘, 7女10男顧客, 嫩仙草的威力真的很吸引女性. 老實說, $30又大大碗, 相當抵食. 總覺得力不到不為財, 如果我有機會發達, 開舖做老闆, 一定要落手落腳自己做, 請人幫手只可以輔助, 不是說阿欣與阿耀不夠賣力, 只是欠缺一份實踐理想的動力....但是有錢人做生意...我真的識條鐵咩!! 大仁生活facebook http://dayanlife.blogspot.hk/2015/05/30.html
