闊別大半年, 我的偶像路飛、索柏、奈美、烏索普又回來香港啦!! 去年TimeSquare「前進號」與「烈陽號」帶齊9位草帽團員, 又食又玩, 玩心到不得了. 今次與主角們玩3D, 總共29個漫畫名場面, 我簡直影到不捨得走. (好彩E度唔限時, 無人會趕你走, 仲10點先關門) 進入3D館前, 第一個迎接我的就是超卡魯鴨鴨, 不過牠左翅膀上好像少了夥伴「X」記號喎. 騎超卡魯一定要似我「縮埋一舊」, 因為頭頂有一個消防喉, 很容會穿崩. 開心騎完鴨鴨, 就輪到捱貓貓果實的路基狠狠打兩拳啦!!, 估不到平日下午的3D館已經人山人海. 好熱鬧, 人人排隊輪流被路基打過痛快. 同場有一團小學生, (唔好問我點解小學生會去海賊王3D館郊遊, 不過, 阿囝幼稚園都去益力多廠啦, 咁大啲咪玩OnePiece囉, 都合理!!) 但小朋友們的姿態, 及投入程度, 絶對另我挖目相看, 不單只他們人人一部高階DC, 更加拍攝構圖, 技巧, 擺位, 完全是大師級人馬, 我覺得他們的技術更勝我阿太...一個字「勁」. 一早來的小學生團, 我走進場不夠20分鐘就被老師帶走, 全場又變回大人的世界, 人仁就一定愛與美女合照, 超巨型的白星公主, 比例跟足漫畫, 我坐在她的手掌上, 即是變成細細粒的小仁了, 這個魚人島的情況, 我覺得最靚!! 「X」是一個記號!! 上次時代廣場也有這個再見公主的感人場面, 如果今次3D館也有提供「X」貼紙給我作道具就好. 小時候一定想自己可以擁有一種魔法, 變透明, 瞬間轉移, 時光倒流...就是我最想要的法寶, 當年亦有一套卡通叫橡皮俠, 情況就似路飛的秘技, 不過我並不想要, 因為雖然可以無限被拉長, 但你覺得會不痛的嗎? Ace為路飛擋了致命的一拳, 如此正義又偉大的角色, 簡直如同大時代的方進新一樣, 我怎可以不親自飾演呢? (不過自己睇番, 表情都好浮誇,名符其實:屎波, 架撐多啦) 變完Ace後, 轉頭又我變身路飛蠟燭裝甲, 哈!哈!哈! 仁到中年真的不要拍太近的獨照, 本來很有氣勢的裝甲, 可惜相中仁中年發福得太緊要. (專家又話每日步行20分鐘已經也可以減肥, 黎明又話齋坐靜坐都可以燃燒70卡路里, 搵笨!!) 走呀!! 恐佈的麥哲倫獄長追來啦...逃獄也可以開心笑笑笑, 應該只有兩們兩個人! 懸紅扮賊我一定最在行, 如果阿囝今日一齊玩, 他一定不肯扮壞人, 小朋友只願意做好人, 好彩我得到他的寵幸, 所以扮壞人, 扮惡魔的, 就唯有委屈阿太. 所以有人怨言:「點解我次次一定做衰人呀!!」(阿囝欽點我也無計喎) 3D館內有一個不會走失的迷宮, 全部也是鏡面設計, 很有海洋感覺, 不過沒有任何機關的鏡路, 好像有點浪費了賣點. 但好戲在後頭, 1:1的女帝就在迷宮出口等我, 哎呀!!不過我們不能走到女帝旁邊集郵, 因為是禁止內進的. (點解!!點解!!??? 不過上次時代廣場的奈美和魯賓, 都不停被強國人都咸濕...可能大會驚尖東多強國人吧!!) 場中的POP-UP STORE 暫時只是買一般模型, 所以大家都只是拍照為主, 限定品要等至6月才有售, 聞說可能會配合穿上香港特色的服裝作賣...還要多等一個月, 點解今次未有得買呀!! 我是否下個月要再多來一次買限定版玩具呢??? 煩惱...煩惱 大仁生活facebook http://dayanlife.blogspot.hk/2015/04/3d-onepiece.html
