上星期一行六人到黑布街吃甜品, 老遠已發現「HeSheEat」人龍長得驚人, 於是我們分兩批, 女子組等「Next Station」, 男子組則在開業大半年的「Joyful Dessert House」排隊. 最後, 我們選擇食「Joyful」. 點解呢? 因為貪心的我聽到店員說:「你點一款甜品, Facebook打卡一次, 就送雪糕一球」. 嘩!有著數, 我即大叫對面排隊的隊員全部過來,吃免費雪糕. 半年前「Joyful」仍是細細窄窄, 點解會突然變大?? 八卦問問店員, 她說:「係呀!我哋開咗兩個月, 就打通埋隔離間舖, 大咗一倍架」(E~有條件擴充, 即係食物有番咁上下啦, Yeah~忽然覺得自己無揀錯~正) 不過, 可能店員見我們有兩個小朋友, 所以給我們坐了四人枱, 老實說, 這店的設計實在太迫, 看來再要「打通」多一間舖, 才會令人有坐得輕鬆的感覺. 先來的是SY指定「比利時朱古力慕絲伴雪糕」, 預料之內的味道... 不知阿囝是真的識食, 還是太飽, 今晚他連最愛的朱古力竟然也對我說:「爸爸! E半畀你食啦!!」(明白晒~好嘢又點會留畀人食吖…阿囝) 之後來的朱古力窩夫份量驚人, 我本來想一人點一款甜品, 就是因為看到隔離枱的甜品陣容, 所以最後都只點4款, 事關有免費雪糕送, 對4大2細的份量應該足夠有餘. (我咁算死草應該唔會計錯數掛). Joyful上甜品的速度比較慢, 燒菠蘿雪芭上枱時間相隔了9分鐘. (早知咁耐, 頭先係門口等位時就叫定先啦) 其實我一早提醒阿太, 不要為貪燒菠蘿而點雪芭, 因為我倆也不太愛「凍過DeDe」的刨冰物體. 今次的刨冰不太碎, 凍冰冰又淡口, 結果不出我所料, 4份3的雪芭仍留在碗內. (做乜鬼都好，咪做咪做大嘥鬼呀呀…阿太) 遲遲還未上枱的藍莓拿破崙, 本來我們又等了9分鐘後, 我真的想發脾氣, 不過,當我一見個賣相, 登時覺得等足18分鐘都抵. 這絶對是一命救全家, 賣相大陣仗得我忍不住即時走到廚房問師傅, 「嘩! 好震撼喎, 你諗架...」 大隻師傅一人趕工4個拿破崙, 一邊答我:「隔離位《標師傅》諗, 設計, 之後教我造, 我完全奉命行事架咋」(怕羞的標師傅死也不願上鏡, 仲愈縮愈開添…乜我好得人驚咩??) 之後我們三球免費雪糕得手啦, 當然要影相留念啦!!!! (唔係四球呀!! 可能個天都知我貪心啦…所以我想影相時,先發現部手機得返3%電, 開唔到相機呀!激死) 味道: ★★★ 環境: ★★ 服務: ★★ 抵食: ★★★★ 著數: ★★★★★ 大仁生活facebook http://dayanlife.blogspot.hk/2015/03/joyful-dessert-house.html
